Ацеклоран таблетки по 100 мг №20 (2 блистера х 10 таблеток)

Ацеклоран®

Ацеклофенак

Үлбірлі қабықпен қапталған таблеткалар, 100 мг

Сүйек-бұлшықет жүйесі. Қабынуға қарсы және ревматизмге қарсы препараттар. Қабынуға қарсы және ревматизмге қарсы, стероидты емес препараттар. Сірке қышқылы туындылары мен тектес қосылыстар. Ацеклофенак

АТХ коды M01AB16

- Остеоартритте, ревматоидтық артритте және шорбуынданатын спондилоартритте және ауырсынумен қатар жүретін тірек-қимыл аппаратының басқа да ауруларында (мысалы, иық-жауырын периартриті және ревматизмнің буыннан тыс басқа көріністері).

- Әртүрлі этиологиядағы ауырсынуды жою үшін (белдің, тістің ауыруы және бастапқы дисменорея сияқты).

Қолданудың басталуына дейінгі қажетті мәліметтер тізбесі

- ацеклофенакқа немесе 6.1 бөлімінде атап келтірілген қосымша заттардың кез келгеніне аса жоғары сезімталдық

- ұқсас әсер ету механизмі бар заттар (мысалы, ацетилсалицил қышқылы немесе қабынуға қарсы стероидты емес басқа препараттар - ҚҚСП) туындатқан демікпе, бронх түйілуі, жедел ринит немесе есекжем ұстамалары немесе осы заттарға аса жоғары сезімталдық болса;

- анамнезінде ҚҚСП қабылдағаннан қан кету немесе асқазан-ішек жолының тесілу жағдайларының болуы. Анамнезінде асқазанның немесе он екі елі ішектің жедел, қайталанатын немесе ықтимал ойық жарасы немесе қан кету (ойық жараның немесе қан кетудің екі немесе одан да көп айқын және дәлелденген эпизодтары);

- жедел қан кету немесе қан кетумен бірге жүретін аурулар немесе қан ұюдың бұзылулары (гемофилия);

- жүректің диагностикаланған іркілістік жеткіліксіздігі (Нью-Йорк кардиология қауымдастығының (NYHA) шкаласы бойынша II-IV дәреже), жүректің ишемиялық ауруы, шеткері артерия аурулары және/немесе ми қанайналымының бұзылулары;

- бауыр мен бүйрек функциясының ауыр бұзылулары;

- жүктіліктің үшінші триместрі және лактация кезеңі.

- балалар мен 18 жасқа дейінгі жасөспірімдер

- тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы

Ацеклоран® препаратын циклооксигеназа-2 селективті тежегіштерін қоса, басқа ҚҚСП-мен бір мезгілде қолданбау керек.

Жағымсыз құбылыстарды ең аз тиімді дозаны қолдану және симптомдарды бақылау үшін қажетті емдеу ұзақтығын қысқарту арқылы азайтуға болады.

Асқазан-ішек жолына әсері

АІЖ-дағы өліммен аяқталатын қан кету, ойық жара немесе тесілу емделудің кез келген кезеңінде кез келген ҚҚСП қабылданғанда қауіпті симптомдар болған кезде де, оларсыз да, анамнезде АІЖ күрделі патологиялық жағдайлары болғанда да, олар болмағанда да байқалды.

Ойық жара бұрын байқалған пациенттерде, әсіресе, егер ол егде жастағы пациенттерде қан құйылумен немесе тесілумен қатар жүрсе, ҚҚСП дозасын арттырғанда АІЖ-дағы қан кету, ойық жараның түзілу және тесілу (4.3 бөлімін қараңыз) қаупі арта түседі. Бұл пациенттерге препараттың ең аз тиімді дозасын қабылдау керек. Оларға протектор-препараттар (мысалы, мизопростол немесе протонды помпа тежегіштері) қолданылатын біріктірілген ем қажет, сонымен қатар осындай ем ацетилсалицил қышқылы немесе асқазан-ішек жолының жағдайына теріс әсер ететін басқа препараттардың аздаған дозаларын қабылдайтын пациенттерге қажет.

АІЖ аурулары бар пациенттер, соның ішінде егде жастағы пациенттер АІЖ-мен байланысты кез келген жағымсыз симптомдар туралы (әсіресе, қан кету), соның ішінде препаратты алғаш қабылдау тұсында хабарлауы тиіс. Жүйелі кортикостероидтар, антикоагулянттар (варфарин сияқты), серотонинді кері қармайтын іріктелген тежегіштер немесе антиагреганттар (ацетилсалицил қышқылы сияқты) тәрізді қан кетудің немесе ойық жараның пайда болу қаупін арттыратын препараттарды бір мезгілде қабылдайтын пациенттерге айрықша сақтану шараларын қадағалау керек.

Ацеклоран® қабылдайтын пациенттерде АІЖ қан кетуі немесе ойық жарасы пайда болғанда емдеу тоқтатылуы тиіс.

Жүрек-қантамыр және орталық жүйке жүйесіне әсері

Артериялық гипертензиясы және/немесе жеңіл немесе орташа дәрежедегі  іркілісті жүрек жеткіліксіздігі бар пациенттерге тиісті мониторинг және айрықша нұсқаулар қажет, өйткені ҚҚСП қабылдаумен астасқан организмдегі сұйықтық іркілуі мен ісінулер хабарланған.   

Жүректің созылмалы жеткіліксіздігі (NYHA-I) және жүрек-қантамыр жүйесі үшін қауіп факторлары бар пациенттер (мысалы, артериялық гипертензия, гиперлипидемия, қант диабеті және темекі тарту) ацеклофенакты өте сақтықпен қолдануы керек. Жүрек-қантамыр жүйесі тарапынан жағымсыз құбылыстардың қаупі препараттың дозасы мен қолдану ұзақтығы артқан сайын жоғарылауы мүмкін болғандықтан, симптомдарды бақылау үшін қажетті ең қысқа мерзім ішінде ең аз тиімді тәуліктік дозаны қолдану керек. Пациенттің симптоматикалық емге қажеттілігін мезгіл-мезгіл бақылап отыру керек және емге жауабына баға беру керек.

Ацеклофенакты анамнезінде цереброваскулярлық қан кетуі бар пациенттерде сақтықпен және дәрігердің мұқият бақылауымен қолдану керек.

Ацеклофенакты сақтықпен және төмендегі жағдайларда пациенттер дәрігердің бақылауымен қабылдау керек, өйткені аурулардың өршу қаупі бар (4.8 бөлімін қараңыз):

- Асқазан-ішек жолының жоғарғы және төменгі бөліктерін қоса, оның ауруларының бар екенін көрсететін симптомдар,

- Анамнезінде асқазан-ішек жолы ойық жарасының, қан кетудің немесе тесілуінің болуы

- Ойық жаралы колит,

- Крон ауруы,

- Гематологиялық аурулар, ЖҚЖ), порфирия, және гемопоэздің бұзылуы

Бауыр мен бүйрекке әсері

ҚҚСП қабылдау простагландин түзілуінің дозаға тәуелді редукциясын және бүйректің кенеттен болатын жеткіліксіздігін туындатуы мүмкін. Простагландиннің бүйректің қанағымын қамтамасыз етудегі маңыздылығын препаратты жүрек, бүйрек немесе бауыр функциялары бұзылған пациенттерде, диуретиктерді қабылдайтын адамдарда немесе хирургиялық араласымнан кейінгі пациенттерде, сондай-ақ егде жастағы пациенттерде қабылдаған кезде ескеру қажет.

Препаратты бауыр мен бүйрек функциясының жеңіл және орташа дәрежедегі бұзылулары бар пациенттерге, сондай-ақ организмде сұйықтықтың іркілуіне бейім келетін, басқа да жағдайлары бар пациенттерде қабылдаған кезде сақ болу керек. Осы пациенттерде ҚҚСП пайдалану бүйрек функциясының бұзылуын және сұйықтықтың іркілуін туындатуы мүмкін. Сонымен қатар диуретиктерді қабылдайтын пациенттерде немесе гиповолемия қаупі жоғары адамдарда Ацеклоран® препаратын қабылдағанда сақ болу керек. Ең аз тиімді доза және бүйрек функциясын үнемі дәрігерлік бақылау қажет. Бүйрек тарапынан құбылыстар әдетте ацеклофенакты қабылдауды тоқтатқаннан кейін кетеді.

Егер бауыр функциясының көрсеткіштеріндегі өзгерістер сақталса немесе нашарласа, бауыр ауруларының клиникалық белгілері немесе симптомдары дамыса немесе басқа көріністер (эозинофилия, бөртпе) туындаса, ацеклофенакты қабылдауды тоқтату керек. Гепатит продромдық симптомдарсыз дамуы мүмкін.

Бауыр порфириясы бар пациенттерде ҚҚСП қолдану порфирия ұстамасын қоздыруы мүмкін.

Аса жоғары сезімталдық және тері реакциялары

Басқа ҚҚСП сияқты, препарат емдеудің ерте мерзімінде туындауы мүмкін анафилаксиялық/анафилактоидтық реакцияларды қоса, аллергиялық реакцияларды туындатуы мүмкін. Эксфолиативті дерматитті, Стивенс-Джонсон синдромын және уытты эпидермалық некролизді қоса, терінің ауыр реакциялары (олардың кейбіреулері өлімге әкелуі мүмкін) ҚҚСП қабылдағаннан кейін өте сирек байқалды (4.8 бөлімін қараңыз). Осы реакциялар туындауының ең жоғары қаупі пациенттерде препарат қабылдаудың басында байқалады, сондай-ақ аталған жағымсыз реакциялардың дамуы препарат қабылдаудың алғашқы айында байқалады. Тері бөртпесі, ауыз қуысы шырышты қабығының зақымдануы немесе аса жоғары сезімталдықтың басқа белгілері пайда болғанда ацеклофенак қабылдауды тоқтату керек.

Айрықша жағдайларда, желшешекте асқынулар: терінің және жұмсақ тіндердің күрделі  инфекциялары пайда болуы мүмкін.

Қазіргі уақытта осы  инфекциялар ағымын нашарлатуда атқаратын ҚҚСП рөлін жоққа шығаруға болмайды. Сондықтан желшешекте Ацеклофенак препаратын қабылдаудан аулақ болу керек.

Гематологиялық бұзылулар

Ацеклофенак тромбоциттер агрегациясының қайтымды тежелісін туындатуы мүмкін.

Тыныс алу жүйесі тарапынан бұзылулар:

Қазіргі уақыттағы немесе анамнездегі бронх демікпесі бар пациенттерде препарат қабылдағанда сақ болу керек, өйткені ҚҚСП қабылдау ондай пациенттерде кенеттен бронх түйілуінің дамуына түрткі болуы мүмкін.

Егде адамдар

Препаратты егде жастағы пациенттерде қабылдағанда сақ болу керек, өйткені оларда ҚҚСП қабылдау кезінде жағымсыз құбылыстар (әсіресе, асқазан-ішек жолынан қан кету және тесілу) жиірек пайда болады. Асқынулар өлімге әкелуі мүмкін. Оның үстіне, егде жастағы пациенттер бүйрек, бауыр немесе жүрек-қантамыр жүйесі ауруларына жиірек шалдығады.

Ұзақ уақыт қолдану

Қабынуға қарсы стероидты емес препараттармен ұзақ уақыт ем алатын барлық пациенттер мұқият бақылауда (мысалы, қанның жалпы талдауы, бауырдың және бүйректің функциялық тестілері) болуы тиіс.

Варфаринді қоспағанда, препараттардың өзара әрекеттесу зерттеулері жүргізілген жоқ.

Ацеклофенак P450 цитохромы жүйесінің 2C9 изоферментінің көмегімен метаболизденеді, және in vitro деректер ацеклофенак осы ферменттің тежегіші болуы мүмкін екенін көрсетеді. Осылайша, фенитоинмен, циметидинмен, толбутамидпен, фенилбутазонмен, амиодаронмен, миконазолмен және сульфафеназолмен бір мезгілде қабылдаған кезде фармакокинетикалық өзара әрекеттесу болуы мүмкін. ҚҚСП тобына жататын басқа препараттар жағдайындағыдай, сондай-ақ метотрексат және литий препараттары сияқты бүйректің белсенді секрециясы арқылы организмнен шығарылатын басқа препараттармен фармакокинетикалық өзара әрекеттесуі бар. Ацеклофенак плазма альбуминімен толығымен дерлік байланысады, демеу ақуыздармен байланысатын басқа препараттармен ығысу типі бойынша өзара әрекеттесу мүмкіндігі бар.

Ацеклофенактың фармакокинетикалық өзара әрекеттесуіне жүргізілген зерттеулердің жеткілксіздігіне байланысты келесі ақпарат басқа ҚҚСП туралы деректерге негізделген.

Бір мезгілде қолданбау керек:

ҚҚСП метотрексаттың өзекшелі секрециясын тежейді; оның үстіне аздап метаболизмдік өзара әрекеттесу байқалуы мүмкін, бұл метотрексат клиренсінің төмендеуіне әкеледі. Сондықтан метотрексаттың жоғары дозаларын қолданған кезде ҚҚСП тағайындаудан аулақ болу керек.

Литий және дигоксин препараттары: Кейбір ҚҚСП литий мен дигоксиннің бүйректік клиренсін тежейді, бұл екі заттың сарысудағы концентрациясының жоғарылауына әкеледі. Литий мен дигоксин концентрацияларынажиі мониторинг жүргізілмесе, бірге қолданудан аулақ болу керек.

Антикоагулянттар: ҚҚСП тромбоциттердің агрегациясын тежейді және асқазан-ішек жолының шырышты қабығын зақымдайды. Осы әсерлер арқылы антикоагулянттар әсерін күшейтуі мүмкін және антикоагулянттарды қабылдайтын пациенттерде асқазан-ішек жолынан қан кету қаупін арттыруы мүмкін. Егер пациенттің жағдайына мұқият мониторинг жүргізілмесе, ацеклофенак пен кумарин тобының пероральді антикоагулянттарын, тиклопидинді және тромболитиктерді бірге қолданбау керек.

Антиагрегантты дәрілер және серотонинді кері қармайтын іріктелген тежегіштерді (SSRIs) ҚҚСП-мен бірге қолданғанда асқазан-ішек жолынан қан кету қаупін арттыруы мүмкін.

Келесі біріктірілімдер дозаны таңдауды және аса сақтықпен қолдануды қажет етеді:

Метотрексат: ҚҚСП мен метотрексаттың өзара әрекеттесуі, әсіресе, бүйрек функциясы бұзылған пациенттерде, тіпті метотрексаттың төмен дозасында да болуы мүмкін екенін ескерген жөн. Бір мезгілде қолданған жағдайда бүйрек функциясының көрсеткіштерін бақылау керек. Егер екі препарат, ҚҚСП мен метотрексат, 24 сағат ішінде қабылданса сақ болу керек, өйткені метотрексат концентрациясы жоғарылауы мүмкін, бұл осы препараттың уыттылығын арттырады.

Циклоспорин, такролимус: ҚҚСП циклоспоринмен немесе такролимуспен бір мезгілде қабылданғанда бүйректе простациклин түзілуінің төмендеуі салдарынан жоғары нефроуыттылық қаупін ескеру керек. Сондықтан бір мезгілде қабылдағанда бүйрек функциясы көрсеткіштерін мұқият бақылау керек.

Басқа ҚҚСП: бір мезгілде ацетилсалицил қышқылын немесе ҚҚСП қабылдағанда жағымсыз құбылыстардың туындау жиілігі артуы мүмкін, сондықтан сақ болу керек.

Кортикостероидтар: асқазан-ішек жолынан ойық жараның немесе қан кетудің пайда болу қаупі артады.

Диуретиктер: Ацеклофенак, басқа ҚҚСП сияқты, диуретиктердің белсенділігін тежей алады, фуросемид пен буметанидтің диурездік әсерін және тиазидтердің гипертензияға қарсы әсерін азайта алады. Калий жинақтайтын диуретиктермен бірге қабылдау калий мөлшерінің көбеюіне әкелуі мүмкін; демек қан сарысуындағы калий мөлшерін үнемі бақылау қажет.

Ацеклофенак бендрофлуазидпен бірге қолданғанда артериялық қысымды бақылауға әсер етпеді, дегенмен басқа диуретиктермен өзара әрекеттесуді жоққа шығаруға болмайды.

Гипотензиялық препараттар: ҚҚСП сондай-ақ гипотензиялық препараттардың әсерін төмендетуі мүмкін. АӨФ тежегіштерін немесе ангиотензин ІІ рецепторлары антагонистерін және ҚҚСП бірге қабылдау бүйрек функциясының  бұзылуына әкелуі мүмкін. Бүйрек функциясының бұзылулары бар кейбір пациенттерде, мысалы, егде жастағы немесе сусызданған пациенттерде, әдетте, қайтымды сипатта болатын бүйректің жедел жеткіліксіздігінің пайда болу қаупі арта түседі. Сондықтан, ҚҚСП-мен бірге қолданғанда, әсіресе, егде жастағы пациенттерде сақ болу керек. Пациенттер сұйықтықтың қажетті мөлшерін ішуі және тиісінше бақылауда болуы (бірге қолданудың басында және ем барысында ұдайы бүйрек функциясын бақылау) тиіс.

Гипогликемиялық дәрілер: клиникалық зерттеулер диклофенакты пероральді гипогликемиялық дәрілермен бірге олардың клиникалық әсеріне ықпал етпестен қолдануға болатындығын көрсетеді. Алайда препараттың  гипогликемиялық және гипергликемиялық әсерлері жөнінде жекелеген хабарламалар бар. Осылайша, ацеклофенак қабылдағанда гипогликемияға әкеп соқтыратын препараттардың дозаларын түзету  керек.  

Зидовудин: ҚҚСП мен зидовудинді бір мезгілде қабылдағанда  гематологиялық уыттылық қаупі артады. Зидовудин мен ибупрофен қабылдайтын гемофилиясы бар АИТВ (+) пациенттерде гемартроздар мен гематомалардың пайда болу қаупінің жоғарылағаны жөнінде деректер бар.

Балалар

Бауыр жеткіліксіздігі бар пациенттер

Ацеклофенак дозасын бауырдың жеңіл немесе орташа дәрежедегі аурулары бар пациенттерде азайту керек. Ұсынылатын бастапқы дозасы күніне 100 мг құрайды (4.4 бөлімін қараңыз).

Бүйрек жеткіліксіздігі бар пациенттер

Бүйрек функциясының жеңіл дәрежедегі бұзылуы бар пациенттерде ацеклофенак дозасын азайту қажеттілігі туралы деректер жоқ, бірақ 100 мг Ацеклофенак препараты, үлбірлі қабықпен қапталған таблеткаларын қолданғанда сақ болу керек (4.4 бөлімін қараңыз).

Балалар

Балаларда Ацеклофенак препаратын қолдану тиімділігі мен қауіпсіздігі туралы деректердің жоқтығына байланысты ұсынылмайды.

Егде жастағы пациенттер

Әдетте дозаны азайтудың қажеттілігі жоқ; дегенмен, 4.4 бөлімінде атап көрсетілген сақтық шараларын сақтау қажет.

Қосымша заттар

Таблеткалардың құрамында лактоза бар. Сирек тұқым қуалайтын галактоза жақпаушылығы, Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар пациенттерге Ацеклоран® препаратын қабылдауға болмайды.

Натрий

Ацеклоран® препаратының құрамында 1 таблеткаға шаққанда 1 ммоль-ден аз (23 мг) натрий бар,  яғни, іс жүзінде натрий жоқ.

Жүктілік немесе лактация кезінде

Ана үшін пайдасы шарана үшін ықтимал қаупінен асып кеткен жағдайларды қоспағанда, жүктіліктің үшінші триместрінде және лактация кезеңінде Ацеклоран® препаратын қолданбау керек.

Дәрілік заттың автомобильді және қауіптілігі зор механизмдерді басқару қабілетіне әсер ету ерекшеліктері

ҚҚСП қабылдау кезінде әлсіздік, бас айналу, вертиго, жүрек айну немесе орталық жүйке жүйесі тарапынан басқа симптомдар сияқты құбылыстары байқалған пациенттер автокөлікті немесе басқа қауіпті механизмдерді басқармауы тиіс.  

Дозалау режимі

Ересектер

Ұсынылатын ең жоғары дозасы күніне 100 мг-ден екі бөлек  (таңертең бір таблетка және біреуі кешке) қабылданатын 200 мг құрайды.

Енгізу әдісі мен жолы

Препарат ішке қабылдауға арналған.

Қабылдау уақытының көрсетілуімен қолдану жиілігі

Таблетканы тұтастай кем дегенде жарты стақан сумен ішіп, жұтқан жөн. Тағаммен бір мезгілде қабылдау әсер етуші заттың сіңірілу жылдамдығын баяулатады, алайда асқазан-ішек жолынан сіңірілу дәрежесін төмендетпейді.

Адамда ацеклофенакпен артық дозалану туралы деректер жоқ.

Симптомдары: жүрек айну, құсу, асқазанның ауыруы, бас айналу, ұйқышылдық және бас ауыру.

Емі: Қабынуға қарсы стероидты емес препараттардан жедел улануды емдеу қажет болған жағдайда антацидтерді қабылдауға және артериялық гипотензия, бүйрек жеткіліксіздігі, құрысулар, асқазан-ішек жолының шырышты қабығының тітіркенуі және тыныс алудың тежелуі сияқты асқынулардың басқа демеуші және симптоматикалық еміне негізделген.

Ацеклофенакты ішке қабылдаған кезде жедел улануларды емдеу артық дозаланғаннан кейін асқазанды шаю және ең қысқа мерзім ішінде белсендірілген көмірді (қайталанған дозаларын) қолдану көмегімен препараттың сіңуіне жол бермеуден тұруы керек. Күшейтілген диурез, диализ немесе гемоперфузия ҚҚСП ақуыздармен байланысуының жоғары дәрежесіне және ауқымды метаболизмге байланысты ҚҚСП шығару үшін жеткіліксіз болуы мүмкін.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Егер Сізде осы препаратты қолдану туралы қосымша сұрақтар туындаса, дәрігермен кеңесіңіз.

Асқазан-ішек жолы тарапынан бұзылулар: Әдетте байқалатын жағымсыз құбылыстардың көпшілігі – асқазан-ішек жолы тарапынан бұзылулар. Асқазан ойық жарасы, тесілуі немесе АІЖ қан кету кейде өлімге әкелуі мүмкіндері, әсіресе егде жастағы пациенттерде туындауы мүмкін. ҚҚСП қабылдаған кезде жүрек айну, құсу, диарея, ішектің кебуі, іш қату, диспепсия, асқазанның ауыруы, мелена, қан құсу, ойық жаралы стоматит, колиттің өршуі және Крон ауруы байқалды. Гастрит жиі байқалмады.

ҚҚСП қабылдаумен байланысты ісінудің, артериялық гипертензияның және жүрек жеткіліксіздігінің дамығаны туралы хабарланды.

Ацеклофенактың диклофенакпен құрылымдық және метаболизмдік жағынан жағындығы бар, бұл клиникалық және эпидемиологиялық деректердің көптігі көрсеткендей, жалпы артерия тромбоздарының (мысалы, миокард инфарктісі немесе инсульт, әсіресе жоғары дозада немесе ұзақ уақыт қолданғанда) арту қаупін туындатуы мүмкін. Эпидемиологиялық деректер сонымен қатар ацеклофенакты қолданумен байланысты жедел коронарлық синдром мен миокард инфарктісі қаупінің жоғарылағанын көрсетеді.

Жиі

- бастың айналуы

- жүрек айну, диспепсия, іштің ауыруы, диарея

- «бауыр» ферменттері белсенділігінің жоғарылауы

Жиі емес

- құсу, іштің кебуі, іш қату, ауыз қуысының шырышты қабығының ойық жаралануы, гастрит

- қышыну, бөртпе, дерматит, есекжем

- қан сарысуында мочевина және креатинин концентрацияларының жоғарылауы

Сирек

- анемия

- анафилаксиялық  реакциялар (шокты қоса), аса жоғары сезімталдық

- көрудің бұзылуы

- артериялық гипертензия, артериялық гипертензия ағымының нашарлауы

- ентігу

- мелена, асқазан-ішектен қан кету, асқазан-ішек жолының шырышты қабығының ойық жаралануы, геморрагиялық диарея, асқазан-ішек жолындағы геморрагиялар

- ангионевроздық ісіну

Өте сирек

- сүйек кемігі қызметінің бәсеңдеу, гранулоцитопения, тромбоцитопения, нейтропения, гемолиздік анемия

- гиперкалиемия

- депрессия, әдеттен тыс түстер көру, ұйқысыздық

- парестезия, тремор, ұйқышылдық, бас ауыру, дисгевзия (дәм сезудің бұрмалануы)

- вертиго, құлақтың шыңылдауы

- жүрек соғуын сезіну

- тері гиперемиясы, қан кернеу, васкулит

- бронх түйілуі

- стоматит, қан құсу, ішектің тесілуі, Крон ауруы ағымының және ойық жаралы колиттің нашарлауы, панкреатит

- бауырдың зақымдануы (гепатитті қоса), қандағы сілтілі фосфатаза белсенділігінің жоғарылауы

- пурпура, экзема, тері және шырышты қабықтар тарапынан болатын ауыр реакциялар (Стивенс-Джонсон синдромын және уытты эпидермалық некролизді қоса)

- нефроздық синдром, бүйрек жеткіліксіздігі

- қатты қажу, бұлшықеттердің түйілуі (аяқтарда), ісіну

- дене салмағының артуы

ҚҚСП қабылдаған кезде байқалатын басқа класс-әсерлер:

Өте сирек (<1/10 000):

Бүйрек және несеп шығару жолдары тарапынан бұзылулар: интерстициальді нефрит.

Тері мен теріасты шелмайы тарапынан бұзылулар: Стивенс-Джонсон синдромын және уытты эпидермалық некролизді қоса, буллезді реакциялар.

Айрықша жағдайларда желшешек ауруы кезінде ҚҚСП қабылдаған кезде терінің ауыр инфекциялары және жұмсақ тіндердің инфекциясы байқалды.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында

белсенді зат - 100 мг ацеклофенак,

қосымша заттар: лактоза моногидраты, картоп крахмалы, гидроксипропилцеллюлоза, магний стеараты, натрий крахмалы гликоляты, кальций карбоксиметилцеллюлозасы

қабығының құрамы: гипромеллоза 2910, полиэтиленгликоль 6000, титанның қостотығы (Е 171).

Сыртқы түрінің, иісінің, дәмінің сипаттамасы

Ақ түсті үлбірлі қабықпен қапталған, екі беті дөңес, дөңгелек цилиндр пішінді таблеткалар.

10 таблеткадан поливинилхлоридті үлбірден және баспалы лакталған алюминий фольгадан жасалған пішінді ұяшықты қаптамаға салынады.

2 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

5 жыл

Жарамдылық мерзімі өткеннен кейін қолдануға болмайды!

Түпнұсқалық қаптамасында 25 °С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

«Абди Ибрахим Глобал Фарм» ЖШС, Қазақстан Республикасы, Алматы обл., Іле ауданы, Өндірістік аймақ 282 тел.: +7 (727) 356-11-00, 8-800-070-11-00 электронды пошта: info@aigp.kz

«Абди Ибрахим Глобал Фарм» ЖШС, Қазақстан Республикасы, Алматы обл., Іле ауданы, Өндірістік аймақ 282 тел.: +7 (727) 356-11-00, 8-800-070-11-00 электронды пошта: info@aigp.kz

«Абди Ибрахим Глобал Фарм» ЖШС, Қазақстан Республикасы, Алматы обл., Іле ауданы, Өндірістік аймақ 282 тел.: +7 (727) 356-11-00, 8-800-070-11-00 электронды пошта: info@aigp.kz