Аспирин С таблетки шип. №10 (5 блистеров x 2 таблетки)

Аспирин® С

жоқ

Көпіршитін таблеткалар

Жүйке жүйесі. Анальгетиктер. Басқа анальгетиктер және антипиретиктер. Салицил қышқылы және оның туындылары. Басқа дәрілермен біріктірілген ацетилсалицил қышқылы, психолептиктерді қоспағанда.

АТХ коды N02BА51

Шығу тегі әртүрлі орташа немесе әлсіз білінетін ауырсыну синдромын (бас ауыруы, тіс ауыруы, етеккір кезіндегі ауыру; тамақтың ауыруы, суық тию кезіндегі бұлшықет пен буындардың ауыруы) симптоматикалық жеңілдету үшін.

Инфекциялық ауруларда (қызба) дене температурасының жоғарылауы.

Қолданудың басталуына дейін қажетті мәліметтер тізбесі

- ацетилсалицил қышқылына, басқа салицилаттарға, аскорбин қышқылына немесе препараттың қосымша заттарының кез келгеніне аса жоғары сезімталдық

- анамнезінде салицилаттарды немесе ұқсас әсер ететін заттарды, әсіресе стероидты емес қабынуға қарсы стероидты емес препараттарды қабылдаудан туындаған демікпе ұстамалары;

- асқазан-ішек жолының эрозиялық-ойық жаралы зақымдануы (өршу фазасында);

- геморрагиялық диатез;

- бүйрек және / немесе бауыр жеткіліксіздігі;

- бақыланбайтын ауыр жүрек жеткіліксіздігі;

- аптасына 15 мг және одан астам дозада метотрексатпен біріктірілген қолдану;

- жүктілік (III триместр «Арнайы сақтандырулар» бөлімін қараңыз);

- анамнезінде нефролитиаз немесе нефролитиаз;

- гипероксалурия;

- гемохроматоз;

- Рейе синдромының даму қаупіне байланысты жедел респираторлық ауру, вирустық этиология кезінде (бауыр жеткіліксіздігінің жедел дамуымен энцефалопатия және бауырдың жедел майлы дистрофиясы) 12 жасқа дейінгі балаларда.

Аспирин С көпіршитін бір таблетка құрамында 466,4 мг натрий болады, оны натрий тұтынуы бақыланатын диета кезінде (тамақпен бірге ең жоғары тәуліктік тұтынатын натрий мөлшері 2 г) ескеру керек.

Тәуліктік дозасын арттыруға болмайды.

Жағымсыз әсерлердің пайда болу қаупін арттыруға дейін әсерді күшейту:

- антикоагулянттар/тромболитиктер: ацетилсалицил қышқылы тромболитикалық ем басталғанға дейін қабылданса, қан кету қаупін арттыруы мүмкін. Сондықтан тромболитиктермен емделуді жоспарлаған пациенттерде сыртқы немесе ішкі қан кету белгілеріне назар аудару керек.

- тромбоциттер агрегациясының тежегіштері, мысалы, тиклопидин, клопидогрел: қан кету қаупінің жоғарылауы;

- басқа стероидты емес анальгетиктер/қабынуға қарсы дәрілер (ацетилсалицил қышқылының күніне 3 г және одан көп дозаларында ): асқазан-ішек жолында ойық жаралы зақымданулар мен қан кетулер даму қаупінің жоғарылауы;

- жүйелік глюкокортикостероидтар (Аддисон ауруы кезінде орнын басу емінде пайдаланылатын гидрокортизонды қоспағанда): асқазан-ішек жағымсыз әсерлерінің даму қаупінің жоғарылауы;

- алкоголь: асқазан-ішек жолында ойық жаралы зақымданулар мен қан кетулер даму қаупінің жоғарылауы;

- дигоксин: қан плазмасындағы концентрацияның жоғарылауы;

- диабетке қарсы препараттар: қандағы глюкоза деңгейі төмендеуі мүмкін;

- метотрексат: организмнен шығаруды азайту және ақуыздармен байланысты салицилаттармен ығыстыру;

- вальпрой қышқылы: ақуыздармен байланысты салицилаттармен ығыстыру;

- серотонинді кері қармайтын селективті тежегіштер (СКҚСТ): синергия әсерінен асқазан-ішектен қан кету қаупінің жоғарылауы.

Әсер етуінің бәсеңдеуі:

- диуретиктер (күніне 3 г және одан жоғары ацетилсалицил қышқылының дозаларымен үйлесімде);

- ангиотензин өзгертетін фермент тежегіштері (күніне 3 г және одан жоғары ацетилсалицил қышқылының дозаларымен үйлесімде);

- урикозуриялық препараттар (мысалы, бензбромарон, пробенецид).

- дефераксамин аскорбин қышқылымен бір мезгілде қабылдағанда, әсіресе жүрек тіндері үшін темірдің уыттылығын арттыруы және жүрек қызметінің декомпенсациясын тудыруы мүмкін.

Зертханалық диагностикада аскорбин қышқылымен өзара әрекеттесуі: С дәрумені қалпына келтіретін агент (яғни электронды донор) болып табылады және зертханалық зерттеулерде, мысалы, глюкоза, креатинин, карбамазепин, несепте және сарысуда несеп қышқылына, сондай-ақ жасырын қан талдауы сияқты химиялық кедергілер тудыруы мүмкін. С дәрумені несептегі және қандағы қант деңгейін анықтауға кедергі келтіруі және нәтижелерді бұрмалауы мүмкін, бірақ қандағы қант деңгейіне әсер етпейді.

Арнайы сақтандырулар

Препаратты мынадай жағдайларда аса сақтықпен қабылдау керек:

- басқа анальгетиктерге/қабынуға қарсы/ ревматизмге қарсы дәрілерге немесе өзге де аллергендік заттарға жоғары сезімталдық;

- аллергия (мысалы, тері реакциялары, қышыну, есекжем), демікпе, пішен қызбасы, мұрын полипозы немесе созылмалы респироторлы аурулар болған кезде;

- антикоагулянттармен бір мезгілде емдеу кезінде;

- асқазанның немесе ішектің ойық жаралы зақымдануында немесе анамнезде асқазан-ішектен қан кетуге бейімділікте;

- бауыр функциясының бұзылуында;

- бүйрек функциясының бұзылуы бар немесе жүрек-қан айналымы төмен пациенттерде (мысалы, бүйректің қантамырлық ауруы, іркілісті жүрек жеткіліксіздігі, гиповолемия, ауқымды хирургиялық араласу, сепсис немесе ауыр қан кету): АСҚ бүйректің функционалдық бұзылуы немесе жедел бүйрек жеткіліксіздігінің қаупін арттыруы мүмкін;

- операцияға дейін (сондай-ақ тісті жұлу сияқты кіші араласулар кезінде) қан кетуге бейімділікті арттыруы мүмкін;

- глюкоза-6-фосфат дегидрогеназа тапшылығы жоғары пациенттерде: АСҚ гемолизге немесе гемолиздік анемияға әкелуі мүмкін. Гемолиз қаупі жоғары дозада, жоғары температурада немесе жедел инфекцияларда ұлғаяды.

Ауыруды басатын дәрілерді ұзақ уақыт қабылдаған кезде препаратты қайта қабылдауға әкелетін бас ауыруы пайда болуы ықтимал, бұл қайтадан ұзаққа созылатын бас ауруын тудыруы мүмкін.

Ауырсынуды басатын дәрілерді қабылдау бүйрек жеткіліксіздігі (анальгетикалық нефропатия) қаупімен бүйрек тарапынан ұзақ мерзімді бұзылуларға әкелуі мүмкін. Бұл қауіп әсіресе ауырғанды басатын әртүрлі дәрілерді қабылдаған кезде артады.

АСҚ аз дозада несеп қышқылының шығарылуын азайтады. Диурез төмендеуіне бейім пациенттерде подагра өршуі мүмкін.

12 жастан асқан балаларға АСҚ-ны тек дәрігердің бақылауымен және басқа препараттар тиімсіз болған кезде ғана қабылдауы керек. Балалар мен жасөспірімдерде вирустық ауруларда ACҚ пайдаланған кезде өте сирек кездесетін Рейе синдромының даму қаупі бар. Рейе синдромының симптомдары ұзаққа созылған құсу, жедел энцефалопатия, бауырдың ұлғаюы болып табылады.

Жүктілік немесе лактация кезінде

Простагландин синтезінің тежегіштері жүктіліктің барысына және/ немесе эмбрионның/ шарананың дамуына теріс әсер етуі мүмкін. Жүктіліктің ерте кезеңдерінде түсік түсіру және ақаулар даму қаупі дозаның жоғарылауымен және препарат қабылдаудың ұзақтығымен бірге артады.

Қолда бар эпидемиологиялық деректер жүктіліктің ерте кезеңінде простагландин синтезінің тежегіштерін қабылдағаннан кейін түсік, жүрек дамуы ақаулары және гастрошизис қаупінің жоғарылауын көрсетеді.

Жүктіліктің 20-шы аптасынан бастап ацетилсалицил қышқылын қолдану шарана бүйрек функциясының бұзылуына байланысты су аздығын тудыруы мүмкін. Бұл емдеуді бастағаннан кейін көп ұзамай пайда болуы мүмкін және әдетте емдеуді тоқтатқаннан кейін қайтымды болады. Сонымен қатар, жүктіліктің екінші триместрінде емдеуден кейін артериялық түтіктің тарылуы туралы хабарланды, дегенмен бұл көп жағдайда емдеуді тоқтатқаннан кейін басылған. Осылайша, ацетилсалицил қышқылын жүктіліктің бірінші және екінші триместрінде өте қажет болмаса тағайындауға болмайды.

Балалы болғысы келіп жүрген немесе жүктіліктің 1 және 2 триместріндегі әйелдер ацетилсалицил қышқылы препаратын қабылдаған кезде төмен дозаны сақтап, емдеу курсын мүмкіндігінше азайтуға тиіс.

Жүктіліктің 20-шы аптасынан бастап бірнеше күн бойы ацетилсалицил қышқылын қабылдағаннан кейін су аздығы мен артериялық түтік тарылуына пренатальды бақылаудың мүмкіндігін қарастырған жөн. Ацетилсалицил қышқылын қабылдауды су аздығы немесе артериялық түтіктің тарылуы анықталған кезде тоқтату керек.

Жүктіліктің 3-ші триместрінде келесі қауіптер болуы мүмкін: бүйрек функциясының бұзылуы, ол кейіннен бүйрек жеткіліксіздігіне және судың аздығына әкелуі мүмкін; ұрықта – жүрек-өкпе уыттылығы (артериялық түтіктің мерзімінен бұрын жабылуымен және өкпе гипертензиясымен). Жүктіліктің соңғы айларында ана мен балада – қан ұюының артуы; төменгі дозасын қолданғанның өзінде антиагрегациялық әсер; босануда толғақтың бәсеңдеуі мүмкін, бұл босанудың іркілуіне әкелуі ықтимал. Сондықтан ацетилсалицил қышқылын жүктіліктің 3-ші триместрінде қолдануға болмайды.

Бала емізу

Салицилаттар мен олардың метаболиттері аз мөлшерде емшек сүтіне енеді. Бүгінгі күні препаратты ұсынылған дозада қабылдағаннан кейін нәрестеге жағымсыз әсер ету жағдайлары тіркелмеген, онда емшек емізуді тоқтатудың қажеті жоқ. Алайда, ұзақ қабылдағанда немесе препараттың үлкен дозаларын қабылдау кезінде емшек емізуді тоқтату керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Көлік құралдарын және потенциалды қауіпті механизмдерді басқару қабілетіне әсер етпейді.

Дозалау режимі

Көпіршитін таблетканы стақан суда еріту керек. 1-2 таблеткадан 4-8 сағаттық аралықпен тәулігіне 3 ретке дейін тамақтан кейін ішке қабылдау керек. Ашқарынға қабылдауға болмайды.

Бір реттік ең жоғары доза - 2 таблетка.

Тәуліктік ең жоғары доза 6 таблеткадан аспауы тиіс.

Пациенттердің ерекше топтары

Балалар мен жасөспірімдер

12 жасқа дейінгі балалар мен жасөспірімдерге ацетилсалицил қышқылын тек дәрігердің ұсынымымен қолдану керек.

Бауыр жеткіліксіздігі бар пациенттер

Ацетилсалицил қышқылын бауыр жеткіліксіздігі кезінде сақтықпен қолдану керек.

Бүйрек жеткіліксіздігі бар пациенттер

Ацетилсалицил қышқылын бүйрек жеткіліксіздігі кезінде сақтықпен қолдану керек.

Ішке арналған.

Қабылдау уақытын көрсете отырып қолдану жиілігі

4-8 сағаттық аралықпен тәулігіне 3 ретке дейін ішке қабылдау керек.

Емдеу ұзақтығы (дәрігермен кеңесусіз) 4 күннен аспауы тиіс.

Симптомдары:

Салицилатпен созылмалы улануға диагностика жасау қиын, өйткені белгілері мен симптомдары спецификалық емес. Әдетте жоғары дозаларды қайта қабылдағаннан кейін салицилатпен жеңіл уыттану пайда болады (тәулігіне > 100 мг / кг 2 күн бойы уытты болуы мүмкін). Симптомдарға ұйқышылдық, бас айналу, құлақтың шуылдауы, есту қабілетінің жоғалуы, терлеу, жүрек айну және құсу, бас ауыруы және сананың шатасуы жатады. Дозаны азайту арқылы бақылауға болады.

Жеңіл және орташа ауырлықтағы артық дозалану кезіндегі симптомдар: жүрек айну, құсу, беткейлік тыныс алудың жиілеуі, алкалоз, терлеу. Бұл симптомдар препараттың дозасын төмендеткенде қайтады.

Ауыр дозаланғанда: компенсаторлық метаболизмдік ацидозы бар респираторлық алкалоз, қызба, глюкоза метаболизмінің бұзылуы және кетоз, құлақтың шуылдауы, есту қабілетінің төмендеуі, асқазан-ішектен қан кету, тыныс алу жеткіліксіздігі (гипервентиляциядан тыныс алу тоқтағанға дейін), жүрек-қантамырлар бұзылулары (аритмиядан жүрек-қантамырлық шокқа дейін), бүйрек жеткіліксіздігі, гематологиялық бұзылулар (тромбоциттер функциясының бәсеңдеуінен коагулопатияға дейін), уытты энцефалопатия және ОЖЖ бәсеңдеуі (сылбырлықтан кома және құрысуларға дейін).Емі: асқазанды шаю, қышқылдық-сілтілік теңгерім мониторингі,ересектерде 7,5-8 немесе балаларда 300 мг/л (2,2 ммоль/л) арасында несеп рН алу үшін сілтілі диурез (егер қан плазмасындағы салицилат концентрациясы ересектерде 500 мг/л (3,6 ммоль/л) немесе балаларда 300 мг/л (2,2 ммоль/л) құрайтын болса, қарқынды сілтілі диурез қол жеткізілген болып саналады, гемодиализ, жоғалтқан сұйықтықтың орнын толтыру, симптоматикалық ем.

Әдебиетте аскорбин қышқылының жедел және созылмалы дозалануының сирек жағдайлары сипатталған. Глюкоза-6-фосфатдегидрогеназа тапшылығы бар пациенттерде артық дозалану тотығу гемолизіне, диссеминацияланған тамырішілік ұюына және сарысу мен несептегі оксалаттар деңгейінің едәуір жоғарылауына әкелуі мүмкін.

Оксалат деңгейінің жоғарылауы диализдегі пациенттерде кальций оксалатының шөгуіне әкелуі мүмкін.

Сонымен қатар, аскорбин қышқылының жоғары дозалары (пероральді немесе вена ішіне) кальций оксалатының, оксалат кристаллуриясының (кристалдар агрегациясының жоғарылауына бейім пациенттерде), тубулоинтерстициальді нефропатия мен жедел бүйрек жеткіліксіздігінің (кальций оксалаты кристалдары түзілуі нәтижесінде) пайда болуы мүмкін екендігі туралы жеке мәліметтер бар.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Қолдану тәсілі бойынша сұрақ туындаған жағдайда медицина қызметкеріне хабарласыңыз.

ДП стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар (қажетіне қарай)

Қан және лимфа жүйесі тарапынан бұзылулар: сирек және өте сирек - ауыр қан кетулер, мысалы, церебральді қан кетулер, әсіресе бақыланбайтын жоғары қысымы бар пациенттерде және/немесе антикоагулянттармен бір мезгілде емдегенде, бұл жекелеген жағдайларда өлімге әкелуі мүмкін.

Глюкоза-6-фосфатдегидрогеназа тапшылығының ауыр түрлері бар пациенттерде гемолиз және гемолитикалық анемия туралы хабарланады.

Мұрыннан қан кету, қызыл иектің қанағыштығы, теріден қан кету немесе қанның ұзақ ұюы мүмкін урогенитальді жолдан қан кету. Әсері препарат қабылдауды тоқтатқаннан кейін 4-8 күннен кейін тоқтайды.

Асқазан-ішек бұзылыстары: жиі – қыжыл, жүрек айну, құсу, іштің ауыруы, диарея; сирек-өте сирек жағдайларда тесілуге әкелуі мүмкін асқазан-ішек жолдарының ойық жаралы зақымдануы; сирек жағдайларда темір тапшылығы анемиясына әкелуі мүмкін асқазан-ішектен қан кету; асқазан-ішек жолдарының қабынуы.

Белгісіз: жіңішке ішек диафрагмасының ауруы (әсіресе ұзақ емдегенде).

Жүйке жүйесі тарапынан бұзылулар: бас ауыруы, бас айналу, есту қабілетінің бұзылуы, құлақтың шуылдауы (тиннитус) және сананың шатасуы артық дозаланудың белгілері болуы мүмкін («Артық дозалануы» бөлімін қараңыз).

Тері және тері асты тіндері тарапынан бұзылулар:жиі еме - тері реакциялары түріндегі аллергиялық реакциялар;сирек- ауыр тері реакциялары түріндегі аллергиялық реакциялар (көп формалы экссудативті эритемаға дейін).

Иммундық жүйе тарапынан бұзылулар: сирек-тыныс алу жолдарының, АІЖ және жүрек-қантамыр жүйесінің аллергиялық реакциялары, ең алдымен демікпесі бар пациенттерде. Симптомдар болуы мүмкін: артериялық қысымның төмендеуі, тұншығу ұстамалары, ринит, мұрынның бітелуі, анафилаксиялық шок немесе Квинке ісінуі.

Бауыр мен өт жолдары тарапынан бұзылулар: өте сирек – бауыр көрсеткіштері деңгейінің жоғарылауы.

Бүйрек және несеп шығару жолдарының бұзылуы: бүйректің функционалды бұзылуы және жедел бүйрек жеткіліксіздігі.

Аскорбин қышқылы (С дәрумені)

Төменде келтірілген жағымсыз әсерлер «жүйесіз келіп түскен хабарламаларға» негізделген(жиілігі белгісіз):

иммундық жүйе тарапынан: аллергиялық реакциялар, анафилаксиялық шок;

асқазан-ішек бұзылыстары: жүрек айну, құсу, іштің ауыруы, диарея.

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 көпіршитін таблетканың құрамында

белсенді заттар: 400 мг ацетилсалицил қышқылы,

240 мг аскорбин қышқылы (С дәрумені).

қосымша заттар: натрий дигидроцитраты, натрий гидрокарбонаты, лимон қышқылы, натрий карбонаты.

Сыртқы түрінің, иісінің, дәмінің сипаттамасы

Таблеткалар ақ түсті, дөңгелек пішінді, беткейі тегіс, бір жағында өрнектелген фирмалық байер кресті бар және екінші жағы тегіс таблеткалар.

2 таблеткадан алюминий фольгамен ламинацияланған қағаздан жасалған пішінді ұяшықсыз қаптамада.

5 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

3 жыл.

Жарамдылық мерзімі өткеннен кейін қолдануға болмайды.

25 С-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз.

Байер Биттерфельд ГмбХ, Германия

ОТ Греппин, Салегастер Шоссе 1, 06803 Биттерфельд-Вольфен, Германия

тел.: +49 (0)3494 9781-2100

Web: www.bayer.com

Байер Консьюмер Кэр АГ,

СН-4052 Базель, Петер Мериан штрассе, 84, Швейцария

тел. +41 58 272 7542

факс: +41 58 272 7173

Web: www.bayer.com

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электрондық пошта)

«Байер КАЗ» ЖШС

Тимирязев көш., 42, «Экспо-Сити» бизнес орталығы, 15 пав., 301 кеңсе

050057 Алматы, Қазақстан Республикасы

Тел.: +7 727 2588040

Электрондық пошта: kz.claims@bayer.com; ru.communications@bayer.com