Антитус сироп 7,5 мг / 5 мл по 150 мл (флакон)

АНТИТУС

Бутамират

Шәрбат, 7,5 мг / 5 мл

Респираторлық жүйе. Жөтел және суық тию аурулары кезінде қолданылатын препараттар. Жөтелге қарсы препараттар, қақырық түсіретін препараттармен біріктірілімді қоспағанда. Жөтелге қарсы басқа да препараттар. Бутамират.

АТХ коды R05DB13

- Этиологиясы әртүрлі құрғақ, тітіркендіргіш жөтелді симптоматикалық емдеу

Қолдануды бастағанға дейін қажетті мәліметтер тізбесі

- бутамират цитратына немесе қосымша заттардың кез келгеніне аса жоғары сезімталдық

- фруктозаның тұқым қуалайтын жақпаушылығы (препаратта алмасу нәтижесінде фруктозаға айналатын сорбиттің болуына байланысты)

Бутамират жөтел рефлексін басатындықтан бронх түйілуі мен тыныс жолдары инфекцияларының пайда болу қаупі болатын тыныс алу жолдарында қақырықтың жиналып қалуына жол бермес үшін қақырық түсіретін дәрілермен бір мезгілде қолдануға болмайды.

Егер АНТИТУС қабылдаған ересектерде (12 жасқа дейінгі балаларда 3 күннен астам) 7 күн ішінде жағдайдың жақсаруы немесе симптомдар нашарласа және/немесе дене температурасының жоғарылауымен, бөртпемен немесе тұрақты бас ауыруымен бірге жүрсе, аурудың негізгі себептерін анықтау үшін дәрігермен кеңесу керек.

Сорбитол (Е420)

Бір дозаның әр 5 мл-де 2000,00 мг бар. Сорбитол фруктоза көзі болып табылады. Сирек тұқым қуалайтын фруктоза жақпаушылықтан зардап шегетін пациенттер осы дәріні қабылдауға болмайды.

Сорбитол эпигастрий аймағында жайсыздық тудыруы мүмкін және аздап іш жүргізетін әсерге ие.

Натрий

Құрамында бір дозаға 1 ммоль натрий (23 мг) аз, яғни «құрамында натрий жоқ».

Балаларда қолдану

Жаңа туылған нәрестелер мен 2 жасқа дейінгі балаларға қолдануға болмайды, өйткені құрамында бензой қышқылы бар.

Қақырық түсіретін немесе муколитикалық дәрілермен бір мезгілде қолданудан аулақ болу керек

Орталық әсер ететін препараттың жөтелге қарсы болжамды әсерін ескере отырып, алкогольді қоса, ОЖЖ бәсеңдететін дәрілермен бір мезгілде қабылдаған кезде әсердің күшеюін жоққа шығаруға болмайды.

Жүктілік немесе лактация кезінде

Бутамираттың жануарлардың ұрпақ өрбіту функциясына әсерін зерттеу ұрық үшін қауіп төндірмеді. Алайда жүкті әйелдерде спецификалық зерттеулер жүргізілген жоқ. Жүктілік кезінде бұл өнімді тек дәрігердің ұсынысы бойынша қолдану керек. Егер ана үшін күтілетін пайда ұрық үшін ықтимал қауіптен асып кетсе, ең аз тиімді дозаны және емдеудің ең қысқа ұзақтығын қарастырған жөн.

Бутамираттың емшек сүтімен бөлініп шығарылуы туралы ақпарат болмағандықтан, емшек сүтімен емізу кезінде бұл өнімді тек дәрігердің ұсынысы бойынша пайдалану керек. Егер ана үшін күтілетін пайда нәресте үшін ықтимал қауіптен асып кетсе, ең аз тиімді дозаны және емдеудің ең қысқа ұзақтығын қарастырған жөн.

Дәрілік препараттың көлік құралын немесе қауіптілігі зор механизмдерді басқару қабілетіне  әсер ету ерекшеліктері

АНТИТУС ұйқышылдық пен шаршауды тудыруы мүмкін. Осындай симптомдар пайда болған жағдайда көлік құралын немесе қауіптілігі зор механизмдерді басқарудан бас тартқан жөн.

Дозалау режимі

Ересектер: тәулігіне 4 рет 15 мл-ден (22.5 мг). Ең жоғары тәуліктік доза 60 мл (90 мг)

Пациенттердің ерекше топтары

Балалар

- 3-тен 6 жасқа дейін: тәулігіне 3 рет 5 мл-ден (7.5 мг). Ең жоғары тәуліктік доза 15 мл (22.5 мг)

- 6-дан 12 жасқа дейін: тәулігіне 3 рет 10 мл-ден (15 мг). Ең жоғары тәуліктік доза 30 мл (45 мг)

- 12-ден18 жасқа дейін: тәулігіне 15-тен (22.5 мг) 3 рет. Ең жоғары тәуліктік доза 45 мл (67.5 мг)

Енгізу әдісі мен жолы

Ішке.

Градуирленген қалпақшаны пайдаланыңыз. Өлшеуіш қалпақшаны әр пайдаланғаннан кейін және әр түрлі пайдаланушылар пайдаланған кезде жуып және кептірген жөн.

Шәрбатты тамақтанудың алдында қолдану керек.

Шәрбаттың құрамында тәттілендіргіштер ретінде сахарин мен сорбитол бар, сондықтан бұл препараттарды қант диабетімен ауыратын науқастарға қабылдауға болады.

Ұсынылған дозадан асырмау керек. Ең қысқа емдеу кезеңінде әсерге қол жеткізу үшін қажетті препараттың ең аз дозасын қолдану керек.

Медициналық кеңессіз пайдаланудың ең көп ұзақтығы: 7 күн.

Артық дозаланған жағдайда қабылдануы тиіс шаралар

Симптомдары: ұйқышылдық, жүрек айнуы, құсу, диарея, бас айналу және гипотензия.

Емі: симптоматикалық. Жедел жәрдем шаралары ретінде белсендірілген көмірді, тұзды іш жүргізгіштерді қолдануға болады. Пациент тиісті бақылауда болуы керек. Жүрек-тамыр және тыныс алу жүйесінің функциясын демеу шаралары.

Спецификалық антидот белгісіз

Дәрілік препаратты қолдану тәсілін түсіну үшін медицина қызметкерінен кеңес алуға  бару жөнінде нұсқаулар

Дәрілік препаратты қабылдамас бұрын дәрігер немесе фармацевт            кеңесіне жүгініңіз.

Сирек:

- бас айналу, ұйқышылдық

- жүрек айнуы, диарея

- бөртпе, есекжем

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет (жағымсыз реакциялар бойынша ақпараттық деректер базасын көрсету)

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

5 мл шәрбаттың құрамында

белсенді зат – 7.50 мг бутамират цитраты

қосымша заттар - натрий сахарині, бензой қышқылы, натрий кроскармеллозасы (натрий карбоксимелцеллюлозасы), сорбитол (70%), глицерин, өрік хош иістендіргіші

Өріктің иісі бар мөлдір түссіз шәрбат.

150 мл препарат алғашқы ашылуы бақыланатын, бұралатын қақпағы бар

қүңгірт шыны құтыға құйылған.

Құтыға өздігінен желімденетін заттаңба жапсырылады.

1 құты өлшеуіш қасықпен немесе өлшеуіш стақанымен және медициналық қолдану жөніндегі қазақ және орыс тіліндегі нұсқаулықпен бірге картон қорапшаға салынады.

3 жыл

Алғаш ашқаннан кейін сақтау мерзімі 3 айдан аспайды

Жарамдылық мерзімі өткеннен кейін қолдануға болмайды

Құрғақ, жарықтан қорғалған жерде, 25 ºС-ден аспайтын температурада сақтау керек.

Салқындатуға немесе мұздатып қатыруға болмайды

Балалардың қолы жетпейтін жерде сақтау керек!

Рецептісіз

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі, 162 Е

Тел.: (+7 727) 399-50-50

Факс: (+7 727) 399-60-60

Электронды пошта: nobel@nobel.kz

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі, 162 Е

Тел.: (+7 727) 399-50-50

Факс: (+7 727) 399-60-60

Электронды пошта: nobel@nobel.kz

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және  дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«Нобел Алматы Фармацевтикалық Фабрикасы» АҚ

Қазақстан Республикасы, Алматы қ., Шевченко к-сі, 162 Е

Тел.: (+7 727) 399-50-50

Факс: (+7 727) 399-60-60

Электронды пошта: nobel@nobel.kz