Анальгин Борисовский Змп таблетки по 500 мг №10 (блистер)

Анальгин

Натрий метамизолы

Таблеткалар 500 мг

Жүйке жүйесі. Анальгетиктер. Басқа анальгетиктер және антипиретиктер. Пиразолондар. Натрий метамизолы.

АТХ коды N02BB02

- жарақаттан немесе операциядан кейінгі жедел қатты ауыру;

- шаншулар;

- онкологиялық ауырулары кезіндегі ауырулар;

- емдеудің басқа әдістерін қолдануға болмайтын жағдайда әртүрлі жедел немесе созылмалы қатты ауыру;

- басқа емдеу әдістерімен басылмайтын жоғары температура.

Қолдануды бастағанға дейін қажетті мәліметтер тізбесі

- әсер етуші затқа немесе қосымша заттардың кез келгеніне аса жоғары сезімталдық;

- осы препараттардың бірін қолданғаннан кейін агранулоцитоздың даму анамнезі сияқты жағдайларды қоса, басқа пиразолондарға (мысалы, феназон, пропифеназон) немесе пиразолидиндерге (мысалы, фенилбутазон, оксифенбутазон) жоғары сезімталдық;

- сүйек кемігінің жеткіліксіз қызметі (мысалы, цитостатикалық емдеуден кейін) немесе қан түзу жүйесінің аурулары;

- салицилаттар, парацетамол, диклофенак, ибупрофен, индометацин, напроксен сияқты ауыруды басатын препараттарды қолданғаннан кейін бронх түйілуі немесе басқа анафилактоидтық реакциялардың (мысалы, есекжем, ринит, ангионевроздық ісіну) даму жағдайлары байқалған пациенттерге;

- жедел мезгіл-мезгіл бауыр порфириясы (порфирия ұстамаларының асқыну қаупі);

-  глюкозо-6-фосфатдегидрогеназаның туа біткен тапшылығы (гемолиз қаупі);

- жүктіліктің соңғы үш айында гипотония немесе тұрақсыз гемодинамикасы бар пациенттерге;

- 15 жастан кіші балалар.

Қолданған кездегі қажетті сақтандыру шаралары

Бауыр функциясының бұзылуы

Метамизол қабылдаған пациенттерде бауырдың қабынуы туралы хабарланды, оның симптомдары препаратты қабылдағаннан кейін бірнеше күннен бірнеше айға дейін дамыды.

Жүрек айнуы, құсу, қызба, шаршау сезімі, тәбеттің төмендеуі, несептің қараюы, ашық түсті нәжіс, терінің немесе көздің ағының сарғаюы, қышыну, іштің жоғарғы бөлігіндегі бөртпе немесе ауырсыну сияқты бауыр функциясының бұзылуының симптомдары пайда болған жағдайда анальгинді қабылдауды тоқтатып, дәрігерге қаралу керек. Дәрігер бауырдың функциясын тексереді. Егер бұрын құрамында метамизол бар препаратты қолданғанда бауыр функциясының бұзылуы дамыған болса, Анальгин қабылдауға болмайды.

Терінің ауыр реакциялары

Метамизолмен емдеу кезінде терінің ауыр реакцияларының дамуы туралы хабарламалар алынды, оның ішінде Стивенс–Джонсон синдромы, уытты эпидермальді некролиз және DRESS-синдромы (бөртпе, эозинофилия және жүйелік симптомдары бар дәрілік препаратқа реакция). Метамизолды қолдануды тоқтатыңыз және "Жағымсыз реакциялар" бөлімінде сипатталған ауыр тері реакцияларына байланысты қандай болмасын симптомдардың пайда болуын байқасаңыз, дереу дәрігерге хабарласыңыз.

Егер сізде қашан болмасые терінің кез-келген ауыр реакциялары дамыған болса, Анальгинмен емдеуді жалғастырмауыңыз керек ("Жағымсыз реакциялар" бөлімін қараңыз).

Сақтықпен:

Бүйрек немесе бауыр жеткіліксіздігінен зардап шегетін пациенттерге метамизолдың шығарылу жылдамдығының төмендеуіне байланысты оның үлкен дозаларын қабылдаудан аулақ болу керек.

Емдеуші дәрігерге немесе дәріхана қызметкеріне келесі дәрілік препараттарды қабылдағаныңыз туралы хабарлаңыз:

- бупропион, депрессияны емдеуге арналған дәрілік препарат немесе темекі шегуді тоқтатуға қосымша дәрі ретінде

- эфавиренц, АИТВ/ЖИТС емдеуге арналған дәрілік препарат

- метадон, тыйым салынған препараттарға (апиындарға) тәуелділікті емдеуге арналған дәрілік препарат

- вальпроаттар, эпилепсияны, биполярлық бұзылыстарды емдеуге арналған дәрілік препараттар

- такролимус, трансплантациядан кейін пациенттерде ағзалардың қабылданбауын болдырмауға арналған дәрілік препарат

- сертралин, депрессияны емдеуге арналған дәрілік препарат.

Азық-түлікпен өзара әрекеттесу: деректер жоқ.

Басқа дәрілік препараттармен  өзара әрекеттесуі:

- метамизол қандағы циклоспорин концентрациясын төмендетуі мүмкін. Осы себепті препараттармен бір мезгілде емдеу кезінде циклоспорин концентрациясын бақылау қажет;

- метотрексатқа метамизолдың қосылуы, әсіресе егде жастағы пациенттерде метотрексаттың гепатоуыттылығының жоғарылауына әкелуі мүмкін. Сондықтан бұл біріктірілімнен аулақ болу керек.

- метамизол бір мезгілде қабылдау кезінде ацетилсалицил қышқылының (аспириннің) тромбоциттер агрегациясына әсерін азайтуы мүмкін. Сондықтан бұл біріктірілімді жүрек-қантамыр профилактикасында төмен дозаларда ацетилсалицил қышқылын қабылдайтын пациенттерде сақтықпен пайдалану керек.

Метамизолды тәулігіне 3 х 500 мг мөлшерінде 4 күн ішінде 6 дені сау волонтерларға пероральді енгізген, содан кейін 5-ші күні 150 мг мөлшерінде бупропионның бір реттік пероральді дозасы метамизолдың жартылай шығарылу кезеңін 35% арттырғанын көрсетті. Гидроксибупропион белсенді метаболитінің жартылай шығарылу кезеңі 38%-ға азайды. Сондықтан метамизол мен бупропионды бір уақытта қабылдаған кезде абай болу керек.

Зертханалық талдау нәтижелеріне әсері:

- метамизол қабылдаған пациенттерде Триндер/Триндер типі реакцияларын (мысалы, креатинин, триглицеридтер, ЖТЛП холестерині және қан сарысуындағы несеп қышқылы деңгейін өлшеуге арналған талдаулар) пайдалана отырып, зертханалық талдаулар нәтижелерінің бұрмалануы байқалды.

Агранулоцитоз

Метамизолды қабылдаудан туындаған агранулоцитоз -  бұл ұзақтығы кемінде бір апта болатын иммундық-аллергиялық сипаттағы бұзушылық. Мұндай реакция өте сирек кездеседі, бірақ ол ауыр және тіпті өлімге әкелуі мүмкін. Бұл дозаға тәуелді емес және емдеудің кез келген сәтінде пайда болуы мүмкін.

Пациентке емдеуді тоқтату туралы хабарлау және нейтропенияны көрсетуі мүмкін мынадай белгілер немесе симптомдар: қызба, қалтырау, тамақтың ауыруы, ауыз қуысының ойық жаралары пайда болған жағдайда дереу дәрігерге қаралу қажет.

Нейтропения жағдайында (<1500 нейтрофил/мм 3) емдеуді дереу тоқтатып, оның көрсеткіштері қалыпқа келгенге дейін жалпы қан анализін бақылау керек.

Пантоцитопения

Панцитопения жағдайында емдеуді дереу тоқтатып, оның көрсеткіштері қалыпқа келгенге дейін жалпы қан анализін бақылау керек.

Метамизолды қабылдау кезінде жалпы дімкәстік, инфекциялар, тұрақты қызба, гематомалар, қан кету, бозару сияқты қанның дискразиясын тудыратын белгілер немесе симптомдар туындаған жағдайда барлық пациенттерге дереу дәрігерге қаралу ұсынылады.

Анафилаксиялық шок

Мұндай реакция негізінен сезімталдығы жоғары пациенттерде туындайды. Сондықтан метамизолды демікпемен немесе атопиямен ауыратын пациенттерге тағайындау сақтықпен жүргізілуі керек.

Метамизол қабылдағаннан кейін анафилактоидты реакциялар пайда болатын пациенттерде басқа да есірткілік емес анальгетиктер енгізілгеннен кейін ұқсас реакциялар қаупі жоғары болады.

Метамизол қабылдағаннан кейін анафилаксиялық немесе аллергиялық реакция (мысалы, агранулоцитоз) дамыған пациенттерде басқа пиразолондар немесе пиразолидиндер қабылдағаннан кейін ұқсас реакциялар қаупі жоғары болады.

Анафилаксиялық /анафилактоидты реакциялар

Енгізу тәсілін таңдау кезінде парентеральді енгізумен байланысты анафилаксиялық/анафилактоидтық реакциялардың жоғары даму қаупін ескеру керек.

Мынадай пациенттерге қатысты аса сақ болу қажет, өйткені оларда метамизол қабылдағаннан кейін ауыр анафилактоидтық реакциялардың дамуының ерекше қаупі бар:

- бронх түйілуінің немесе басқа да анафилактоидтық реакцияның (мысалы, есекжем, ринит, ангионевроздық ісіну) салицилаттар, парацетамол, диклофенак, ибупрофен, индометацин, напроксен сияқты ауырсынуды басатын препараттарға даму қаупі бар пациенттер;

- бронх демікпесінен зардап шегетін пациенттер, әсіресе полиптерге байланысты риносинуситпен байланысты пациенттер;

- созылмалы есекжеммен ауыратын пациенттер;

- спирт (алкоголь) жақпаушылығынан зардап шегетін пациенттер, яғни кейбір сусындарда спирттің (алкогольдің) ең төмен мөлшерде болуына жедел реакциясы бар пациенттер. Симптомдары - бұл беттің қатты қызаруы, түшкіру, сондай-ақ  көздің жасаурауы. Алкоголь жақпаушылығы ауыруды басатын препаратты қабылдауға реакция ретінде бұрын диагноз қойылмаған демікпе ұстамасын тудыруы мүмкін;

- бояғыштар (мысалы, тартразин) немесе консерванттар (мысалы, бензоаттар) жақпаушылығы бар пациенттер.

Метамизолды қолданар алдында пациенттен егжей-тегжейлі сұрау керек. Анафилактоидтық реакциялардың пайда болуына қатысты қауіп тобына кіретін пациенттерде метамизолды қолдану пайда/қауіп арақатынасына байланысты бағаланады. Препаратты осындай жағдайларда қолданған кезде қатаң медициналық бақылау, сондай-ақ шұғыл емдеудің қолжетімді нысандары талап етіледі.

Оқшауланған гипотензивті реакциялар:

Метамизолды қабылдау оқшауланған гипотензивті реакцияларға әкелуі мүмкін. Реакциялардың бұл түрінің ықтимал себебі белгілі бір пациент үшін тым көп доза болып табылады. Бұл реакциялар негізінен парентеральді енгізгеннен кейін пайда болады.

Осындай ауыр гипотензивті реакцияларды болдырмау үшін:

- бұрын қан айналымы көлемінің тапшылығынан немесе сусызданудан, немесе қан айналымы жүйесінің тұрақсыздығынан немесе қан айналымының басталған коллапсынан зардап шеккен пациенттердің гемодинамикасын қалпына келтіру;

- температурасы жоғары пациенттерге ерекше назар аудару.

Метамизолды осындай пациенттерге тағайындаған кезде препаратты қабылдау қатаң медициналық бақылаумен жүргізілуі тиіс, ал тағайындаудың өзін мұқият зерттеу және оның қаупін бағалау керек.

Гипотензивті реакция қаупін азайту үшін қан айналымын тұрақтандыру сияқты профилактикалық  шараларды қолдану қажет.

Терінің ауыр реакциялары

Метамизолды қолдану кезінде Стивенс-Джонсон синдромы (SSJ) және NET уытты эпидермис некролизі сияқты жағымсыз болжамы бар тері реакцияларының жағдайлары туралы хабарланды. SSJ немесе NET симптомдары немесе белгілері пайда болған жағдайда (көбінесе күлдіреуіктермен немесе шырышты қабықтың зақымдалуымен бірге жүретін үдемелі бөртпе сияқты) емдеуді дереу тоқтату керек. Қайта емдеу курсын қайта бастамау ұсынылады.

Кез келген ықтимал тері реакцияларын анықтау үшін, әсіресе емдеудің алғашқы бірнеше аптасында мұқият бақыланатын ықтимал симптомдар мен белгілер туралы пациенттерге ескерту керек.

Қан қысымының төмендеуіне жол бермеу өте маңызды болып табылатын пациенттерге метамизолды тек гемодинамикалық жүйенің қатаң бақылауымен тағайындау керек. Бұл жүректің ауыр ишемиялық ауруы бар немесе миды қоректендіретін тамырлар стенозы бар пациенттер туралы.

Бүйрек немесе бауыр жеткіліксіздігінен зардап шегетін пациенттерге метамизолдың шығарылу жылдамдығының төмендеуіне байланысты оның үлкен дозаларын қабылдаудан аулақ болу керек.

Егер Анальгин сияқты пиразол туындыларын пайдалана отырып дәрілік ем үдерісінде терінің немесе ауыздың немесе жұтқыншақтың шырышты қабығының ауыр жарақаттары байқалса, жоғары температура пайда болса және сақталса, мұндай препараттарды қабылдауды дереу тоқтату керек. Сонымен қатар, басқа ауырсынуды басатын немесе ыстықты түсіретін препараттарды тағайындау ұсынылмайды. Әсер ауқымы кең антибиотиктермен және микозға қарсы препараттармен емдеу курсы әдетте 2-ден 3 аптаға дейін созылады.

Кейбір жағдайларда несептің қызыл түсі байқалуы мүмкін, ол өздігінен қауіпсіз, өйткені бұл зиянсыз метаболит-рубазон қышқылының шығарылуымен негізделген.

Жүктілік

Жүкті әйелдерде метамизолды пайдалану туралы шектеулі мәліметтер бар.

Жүктіліктің бірінші триместрінде метамизол қабылдаған жүкті әйелдердің жағдайын зерттеудің жарияланған нәтижелерінің негізінде (n = 568) препараттың тератогендік немесе эмбриоуытты әсерінің белгілері анықталған жоқ. Кейбір жағдайларда метамизолдың бірінші және екінші триместрлердегі бір реттік дозалары емдеудің басқа нұсқалары болмаған кезде қолайлы болуы мүмкін. Алайда, жүктіліктің бірінші және екінші триместрінде метамизолды пайдалану әдетте ұсынылмайды. Үшінші триместрде қолдану ұрықтың уыттылығымен байланысты болғандықтан (бүйрек жеткіліксіздігі және артериялық түтіктің тарылуы), метамизолды қолдану жүктіліктің үшінші триместрінде қарсы көрсетілімде. Метамизолды байқаусызда қабылдаған кезде үшінші триместр бойы ұрық айналасындағы су мен артериялық түтік ультрадыбыс және эхокардиография көмегімен бақылануы тиіс.

Метамизол плацентарлық бөгеттен өтеді.

Жануарларда метамизол тұқым өрбітуде уыттылық тудырды, бірақ тератогендік емес.

Лактация кезеңі

Метамизолдың ыдырау өнімдері ана сүті арқылы көп мөлшерде шығарылатындықтан, емшек еметін балаларға қауіпті жоққа шығаруға болмайды. Атап айтқанда, бала емізу кезінде метамизолды қайта (бірнеше рет)  пайдаланудан аулақ болу керек. Метамизолды бір рет қабылдаған кезде аналар емшек сүтін жинап, қабылдағаннан кейін оны 48 сағат ішінде шығарып тастау ұсынылады.

Фертильділік

Метамизолдың ерлер мен әйелдердің фертильділігіне әсері туралы деректер жоқ немесе өте шектеулі көлемде болады.

Көлік құралдарын басқару және жабдықта жұмыс істеу қабілетіне әсері

Ұсынылған дозаларды қабылдағаннан кейін концентрацияға қабілеттілікке және реакцияның баяулауына қолайсыз әсер байқалған жоқ. Алайда, жоғары дозалар тағайындалған жағдайда концентрацияның азаюы және реакция жылдамдығының төмендеуі салдарынан көлік құралдары мен машиналарды басқаруға ықтимал теріс әсердің алдын алу үшін сақтық шараларын қабылдау қажет, бұл қауіпті жағдайлардың туындауына әкеп соғуы мүмкін. Алкогольді ішу жоғарыда аталған қауіптерді одан әрі арттыруы мүмкін.

Дозалау режимі

Дозаны ауырсыну қарқындылығына немесе жоғары температураның мөлшеріне, сондай-ақ пациенттің Анальгинге сезімталдығына байланысты анықтайды. Ауырсынуды азайтуға немесе температураны бақылауға мүмкіндік беретін ең төменгі дозаны таңдау ұсынылады.

Ересектер  мен 15 жастағы жасөспірімдерге және одан жоғарыларға (> 53 кг) күніне 4 ретке дейін, 6-дан 8 сағатқа дейін аралықпен, бір реттік дозада 1000 мг-ге дейінгі метамизол тағайындауға болады, бұл 4000 мг ең жоғары тәуліктік дозаға сәйкес келеді.

Препаратты қабылдаудың айқын әсері, әдетте, ішке қабылдағаннан кейін 30-60 минуттан соң күтіледі.

Келесі кестеде дене салмағына және жасына қарай тағайындалатын ұсынылатын ең жоғары бір реттік дозалар мен тәуліктік дозалар келтірілген:

Енгізу әдісі мен жолы

Пероральді

Балалар

Бір таблеткадағы метамизолдың 500 мг белгіленген мөлшеріне байланысты 15 жасқа дейінгі балаларға Анальгин тағайындау ұсынылмайды. Осы жастағы балаларды емдеу үшін басқа дәрілік түрлер/концентрациялар қолданылады, оларды баланың жасын ескере отырып, дұрыс дозада тағайындау ұсынылады.

Егде жастағы пациенттер. Егде жастағы пациенттерде доза азайтылуы тиіс, өйткені метаболиттердің шығарылуы препарат қабылдау кезінде баяулауы мүмкін.

Бүйрек функциясы төмендегенде және креатинин клиренсі бұзылғанда доза азайтылуы тиіс, өйткені метаболиттердің шығарылуы баяулауы мүмкін.

Бүйрек немесе бауыр функциясының бұзылуы

Бүйрек немесе бауыр функциясы төмендегенде жоғарғы дозалардан аулақ болу керек. Дозаны төмендетпей қысқа мерзімге қолдануға болады. Ұзақ қолдануға жол берілмейді.

Емдеу ұзақтығы аурудың түріне және ауырлығына байланысты болады. Ұзақ мерзімді емдеу кезінде лейкоциттерді санауды қоса, қанды тұрақты бақылау талап етіледі.

Артық дозаланған жағдайда қабылдануы тиіс шаралар

Симптомдар: Жедел артық дозаланған кезде мынадай салдарлар туралы хабарланды: бүйрек жұмысының бұзылуы, жедел бүйрек жеткіліксіздігі (мысалы, интерстициальді нефрит) және орталық жүйке жүйесі тарапынан неврологиялық симптоматикасы (бас айналу, ұйқышылдық, кома, құрысулар), артериялық қысымның төмендеуі (кейде шок жай-күйіне әкелетін), жүрек ырғағының бұзылуы (тахикардия).

Өте жоғары дозаларда зиянсыз метаболитті (рубазон қышқылы) шығару несептің қызыл түске боялуына әкелуі мүмкін.

Емі: Метамизолға спецификалық у қайтарғысы белгісіз.

Дозадан асып кеткен жағдайда ішке қабылдаған кезде бастапқы уытсыздандыру шараларын (мысалы, асқазанды шаю) немесе сіңірілуді төмендету (мысалы, белсендірілген көмірді қабылдау арқылы) көмегімен белсенді компоненттердің жүйелі сіңуін шектеуге тырысуға болады. Негізгі метаболиттен (4-N-метиламиноантипирин) гемодиализ, гемофильтрация, гемоперфузия немесе плазмалық сүзу көмегімен құтылуға болады.

Дәрілік препараттың қолдану тәсілін түсіндіру үшін медициналық қызметкерге кеңес алу үшін хабарласу ұсынылады

Анальгинді қабылдауды тоқтатып, келесі симптомдар пайда болған жағдайда дереу дәрігерге қаралу керек:

- жүрек айну, құсу, қызба, шаршау сезімі, тәбеттің төмендеуі, несептің қараюы, ашық түсті нәжіс, терінің немесе көздің ағының сарғаюы, қышыну, іштің жоғарғы бөлігіндегі бөртпе немесе ауырсыну. Бұл симптомдар бауырдың зақымдану белгілері болуы мүмкін (Арнайы нұсқаулар мен сақтық шараларын қараңыз);

- денедегі қызарған дақтар, нысана тәрізді немесе дөңгелек пішінді, көбінесе ортасында көпіршіктер, терінің қабршықтануы, ауыз қуысының, тамақтың, мұрынның, жыныс мүшелері мен көздің шырышты қабығында ойық жаралары бар. Бұл терінің ауыр бөртпелерінен бұрын қызба және тұмауға ұқсас симптомдар болуы мүмкін (Стивенс-Джонсон синдромы және уытты эпидермальді некролиз). Жайылған бөртпе, дене қызуының жоғарылауы және ұлғайған лимфа түйіндері (DRESS синдромы немесе аса жоғары сезімталдық синдромы).

Жиілігі белгісіз (қолда бар деректер негізінде бағалау мүмкін емес)

- бауырдың қабынуы, терінің және көздің ағының сарғаюы, қандағы бауыр ферменттерінің жоғарылауы;

- терінің ауыр реакциялары.

Жүрек тарапынан.

Жиілігі белгісіз - Коунис синдромы.

Иммундық жүйе тарапынан.

Сирек: анафилактоидтық немесе анафилаксиялық реакциялар.

Өте сирек: анальгетик-индукцияланған демікпе синдромы. Анальгетик-индукцияланған демікпе синдромы бар пациенттерде жақпаушылық реакциялары әдетте, демікпе ұстамалары түрінде көрініс табады.

Жиілігі белгісіз - анафилаксиялық шок.

Метамизолды қолдану анафилаксиялық шокты тудыруы мүмкін және анафилаксиялық / анафилактоидтық реакцияларды тудыруы мүмкін, олар ауыр және өмірге қауіп төндіретін сипатқа ие болуы мүмкін, тіпті өлімге әкелуі де мүмкін.

Мұндай реакциялар метамизолды қабылдағаннан кейін немесе бірнеше сағаттан соң пайда болуы мүмкін. Әдетте, олар қабылдағаннан кейінгі бірінші сағат ішінде пайда болады.

Теріде және шырышты қабықтарда қышыну, есекжем, тері тыртықтары, ісінулер, ашытып күйдіру, ентігу және, сирек жағдайда, асқазан-ішек бұзылулары түрінде шағын анафилаксиялық және анафилактоидтық реакциялардың пайда болуына жол беріледі.

Осындай елеусіз реакциялар нашарлау жағына қарай дамып, жайылған есекжем, ауыр ангионевроздық ісіну (соның ішінде көмей деңгейінде), ауыр бронх түйілуі, жүрек аритмиясы, артериялық қысымның төмендеуі (кейде қысымның көтерілуіне дейін), сондай-ақ жүрек-қантамыр жүйесінің күрт бұзылуы сияқты жағдайларды тудыруы мүмкін.

Ауырсынуды басатын препараттардан туындаған демікпе синдромы бар пациенттерде төзімсіздік реакциясы әдетте демікпе ұстамасы түрінде болады.

Қан жүйесі мен лимфа жүйесі тарапынан

Өлімге, лейкопенияға және тромбоцитопенияға әкелуі мүмкін апластикалық анемия, агранулоцитоз және панцитопения.

Бұл реакциялар иммунологиялық сипатта болады және бұрын қандай да бір асқынусыз анальгинді бірнеше рет қабылдаған пациенттерде де пайда болуы мүмкін.

Агранулоцитоздың клиникалық симптомдары мыналар болып табылады:

- ауыз қуысының, жұтқыншақтың, жыныс мүшелерінің немесе аноректальді қабықтардың ойық жаралануы сияқты шырышты қабықтардың қабыну зақымдануы;

- қызба, болжамсыз тұрақты және қайталанатын, сепсисті туындататын;

- қалтырау;

- баспа;

- эритроциттердің тұндыру жылдамдығының жылдам өсуі, ал лимфаденопатия аз немесе мүлдем жоқ;

- спленомегалияның болмауы;

- гемоглобиннің, эритроциттердің және тромбоциттердің қалыпты деңгейі.

Емдеуді тоқтатқаннан кейін лейкоциттер өздігінен қалпына келеді және 2-3 апта ішінде қалыпты жағдайға келеді.

Осы кезеңде әсер ауқымы кең антибиотиктерді, сондай-ақ антимикотиктерді қабылдау қажет.

Ескерту: антибиотик  қабылдайтын пациенттерде агранулоцитоздың типтік симптомдары аз болуы мүмкін.

Тромбоцитопенияның клиникалық симптомдары мынадай болады:

- тері жабындарында және шырышты қабаттарда қан кетулер мен петехиялардың пайда болуының өсу тенденциясы.

Тамыр жүйесі тарапынан:

Оқшауланған гипотензиялық реакциялар:

Кейде - қабылдағаннан кейін анафилаксиялық/анафилактоидтық шоктың басқа белгілерімен қатар жүрмейтін транзиторлы оқшауланған гипотензивті реакция пайда болуы мүмкін. Өте сирек жағдайларда мұндай реакция артериялық қысымның сыни төмендеуімен көрінеді.

Бүйрек және несеп шығару жолдары тарапынан.

Өте сирек - әсіресе бүйрек ауруларының анамнезі бар пациенттерде бүйрек функциясының жедел нашарлауы (жедел бүйрек жеткіліксіздігі) болуы мүмкін, кейбір жағдайларда олигурия, анурия немесе протеинурия түрінде көрінеді. Оқшауланған жағдайларда интерстициальді нефрит пайда болуы мүмкін.

Кейде төмен концентрацияда рубазон қышқылы метаболитінің болуына байланысты несептің қызыл түске боялуы байқалды.

АІЖ тарапынан.

Асқазан-ішектен қан кету жағдайлары туралы да хабарланды.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаны қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей жүгіну қажет

Қазақстан Республикасы Денсаулық сақтау министрлігі Медициналық және фармацевтикалық бақылау комитетінің «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Бір таблетканың құрамында:

белсенді зат – 500 мг метамизол натрий моногидраты,

қосымша заттар: тальк, натрий лаурилсульфаты, кальций стеараты, картоп крахмалы.

Ақ немесе сарғыш реңді ақ түсті, жайпақ цилиндрлі, ойығы және сызығы бар таблеткалар.

10 таблеткадан дәрілік заттарды орауға арналған поливинилхлоридті үлбірден немесе пластификацияланбаған ПВХ үлбірінен және алюминий фольгадан немесе алюминий фольга негізінде немесе фольга негізінде біріктірілген материалдан икемді қаптамадан пішінді ұяшықты қаптамаға.

10 таблеткадан полиэтилен жабынды қаптамалық қағаздан немесе қағаз және картон негізді біріктірілген материалдан, немесе қаптамалық материалдан жасалған пішінді ұяшықсыз қаптамада.

Пішінді ұяшықсыз қаптамалар медициналық қолдану жөніндегі қазақ және орыс тілдеріндегі нұсқаулықпен бірге топтық қаптамаға салынады. Медициналық қолдану жөніндегі қазақ және орыс тілдеріндегі нұсқаулықтар саны қаптамалар санымен сәйкес болуы тиіс.

1, 2, 3, 5 пішінді ұяшықсыз қаптамадан немесе 1, 2, 3, 5 пішінді ұяшықты қаптамадан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынады.

5 жыл

Жарамдылық мерзімі өткеннен кейін қолдануға болмайды.

Құрғақ, жарықтан қорғалған жерде, 25оС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ., Чапаев көш. 64, тел./факс: +375(177)734043.

Е-mail: market@borimed.com.

«Борисов медициналық препараттар зауыты» ашық акционерлік қоғамы, Беларусь Республикасы, Минск обл., Борисов қ., Чапаев көш. 64, тел./факс: +375(177)734043.

Е-mail: market@borimed.com

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«LEKARSTVENNAYA BEZOPASNOST (Лекарственная безопасность)» ЖШС, Қазақстан Республикасы, 050047, Алматы қ., Алатау ауданы, Саялы ықшам ауданы, 16 үй, 8 пәтер, тел.: +7 777 064 27 02, +7 499 504 15 19.

Е-mail: kazakhstan@drugsafety.ru, adversereaction@drugsafety.ru