Аллергонаф капли глаз./наз. по 15 мл (флакон)

АЛЛЕРГОНАФ®

Жоқ

Көзге және мұрынға тамызатын дәрі, 15 мл

Сезім мүшелері. Офтальмологиялық препараттар. Деконгестанттар және аллергияға қарсы препараттар Деконгестанттар ретінде қолданылатын симпатомиметиктер. Басқа препараттармен біріктірілген нафазолин.

АТХ коды S01GA51

- маусымдық және жыл бойы аллергиялық конъюнктивиттің өршуі;

- жанаспалы линзаларды қолдану, күн сәулесінің әсерінен, темекі түтінінен, бассейндегі сумен жанасудан және басқалардан туындаған конъюнктиваның тітіркенуімен байланысты қабыну жағдайлары;

- жедел ринит;

- маусымдық және жыл бойы аллергиялық риниттің өршуі;

- суық тию кезінде созылмалы риниттің өршуі.

Қолданудың басталуына дейін қажетті мәліметтер тізбесі

- әсер етуші затқа, имидазол туындыларына немесе қосымша заттардың кез келгеніне аса жоғары сезімталдық;

- жабықбұрышты глаукома;

- адреномиметиктерге аса жоғары сезімталдық;

- 12 жасқа дейінгі балалар.

Артериялық гипертензия, атеросклероз, жүрек ырғағының бұзылуы, симпатомиметиктерге сезімталдығы жоғары (оның ішінде гипертиреозда, қуық асты безі гипертрофиясында), созылмалы ринит, бронх демікпесі бар пациенттерге, сондай-ақ егде жастағы адамдарға препаратты сақтықпен тағайындайды. Бұл пациенттерге нафазолиннің сіңуін көрсететін қандай да бір жүйелі реакциялар пайда болған жағдайда препаратты қолдануды тоқтату қажет екенін ескерту керек.

Аллергонаф® препаратын созылмалы конъюнктивитте қолдануға болмайды; оларды созылмалы аурудың өршуі кезінде қысқа мерзімде қолдануға болады.

Пациентке 72 сағат ішінде тітіркену немесе көз ауыруы симптомдарының сақталуы препаратты қабылдауды тоқтату көрсетілімі болып табылатынын ескерту керек.

Ісінудің күшеюіне, көз жасы ағуына, екіншілік вазодилатацияға және соның салдарынан мүмкін болатын эпителийдің қайтымсыз өзгерістеріне немесе дәрі - дәрмектік ринитке әкелетін «рикошет» әсерінің даму қаупіне байланысты препаратты 5 күннен артық немесе әр 3 сағаттан жиі қолдану ұсынылмайды.

Препаратты қолданған кезде жұмсақ жанаспалы линзаларды кию ұсынылмайды.

Көзге тамызатын дәріні инстилляциялау алдында қатты жанаспалы линзаларды шешу керек, оларды препаратты қолданғаннан кейін кем дегенде 15-20 минуттан кейін қайта киюге болады.

Тамшылатқыш-құтының ұшы басқа заттармен және беткейлермен жанаспауын қадағалау қажет. Құтыны әрбір қолданғаннан кейін жабу қажет.

Үшциклді антидепрессанттармен бір мезгілде қолданғанда нафазолиннің тамырды тарылтатын әсері күшеюі мүмкін.

Нафазолинді моноаминоксидаза тежегіштерімен бір мезгілде қолдану гипертониялық кризге әкелуі мүмкін.

Арнайы сақтандырулар

Педиатрияда қолданылуы

Препаратты күтпеген және ықтимал қауіпті жағымсыз әсерлерге байланысты нәрестелер мен 12 жасқа дейінгі балаларға қолдану ұсынылмайды.

Деректердің аздығына байланысты балаларда ересектермен салыстырғанда жағымсыз әсерлердің бейінінде ешқандай айырмашылық жоқ. Жалпы алғанда, балалардың көздері ересектерге қарағанда тітіркендіргіштерге көбірек жауап береді. Тітіркену балалардағы емдеуге әсер етуі мүмкін.

Құрамында болашақта фертильділіктің бұзылуына әкелуі мүмкін бор қышқылының болуына байланысты 12 жасқа дейінгі балаларда қолдануға болмайды.

Жүктілік

Жүктілік кезеңінде препаратты қолдану күтілетін әсер ұрықтағы асқынулардың даму қаупінен асып түскен жағдайда ғана мүмкін болады.

Лактация

Препараттың емшек сүтіне енуі туралы деректер жоқ. Бала емізетін әйелдерде препаратты сақтықпен қолдану керек.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың жағымсыз әсерлерін ескере отырып, автокөлікті басқару немесе ықтимал қауіпті механизмдерді қолдану кезінде сақтықты таныту қажет.

Дозалау режимі

Көзге арналған

Ересектерге, 12 жастан бастап және одан асқан балаларға конъюнктивалық қапқа 1-2 тамшыдан тәулігіне 1-3 рет, әр 6-8 сағаттан жиі емес.

Мұрынға арналған

Ересектерге, 12 жастан бастап және одан асқан балаларға мұрынның әрбір жолына 1-3 тамшыдан, әр 4-6 сағаттан жиі емес.

Субконъюнктивальды, мұрын ішіне

Препаратты 3-5 күннен артық қолдануға болмайды.

Препаратты жергілікті қолданудың әдеттегі режимінде артық дозалану симптомдары осы уақытқа дейін байқалған жоқ.

Симптомдары: препаратты жасы кіші балаларға ұзақ немесе тым жиі енгізу орталық жүйке жүйесі функциясының тежелуіне, гипотермияға, көз қарашығының ұзақ уақыт кеңеюіне, артериялық қысымның жоғарылауына, тахикардияға, комаға әкелуі мүмкін.

Айтарлықтай артық дозалану немесе препаратты кездейсоқ ішке қабылдау, әсіресе балаларда ұйқышылдықпен шамадан тыс седацияға, дене температурасының төмендеуіне, жүрек соғу жиілігінің баяулауына, қан қысымының ауытқуына және коллапсқа әкелуі мүмкін.

Нафазолин сондай-ақ шок сипатындағы артериялық қысымның төмендеуіне, тахикардияға әкелуі мүмкін.

Емі: симптоматикалық.

Дәрілік препаратты қолдану тәсілін түсіндіру үшін медициналық қызметкер кеңесіне жүгіну жөніндегі кеңестер

Осы дәрілік препаратты қолдану бойынша қосымша сұрақтар туындаған жағдайда кеңес алу үшін дәрігерге немесе фармацевтке жүгіну керек.

Метаболизм және тамақтану бұзылыстары: өте сирек – гипергликемия.

Жүйке жүйесі тарапынан бұзылыстар: сирек-ұйқышылдық; өте сирек - бас ауыруы, бас айналу, мазасыздық.

Көру мүшелері тарапынан бұзылыстар: жиі - күйдіру, қышу, көздің ауыруы, көру қабілетінің бұзылуы, конъюнктиваның гиперемиясы; сирек – көзішілік қысымның жоғарылауы.

Жүрек тарапынан бұзылыстар: сирек – жүрек соғуының жиілігі; өте сирек - аритмия.

Қан тамырларының тарапынан бұзылыстар: сирек - гипертензия.

Асқазан-ішек жолдары тарапынан бұзылыстар: сирек - жүрек айнуы.

Тері мен тері асты тіндерінің тарапынан бұзылыстар: өте сирек - қатты терлеу.

Енгізу орнындағы жалпы бұзылыстар мен реакциялар: өте сирек - әлсіздік.

Препаратты конъюнктивалық қапқа күніне кемінде 10 рет 7 күн енгізген пациентте мөлдір қабықтың бұлыңғырлану жағдайы сипатталған. Препаратты тоқтатқаннан кейін бұлыңғырлық жойылды.

Жүйелік реакциялардың пайда болуы немесе жергілікті тітіркенудің сақталуы препаратты тоқтатудың көрсеткіші болып табылады.

Ұзақ мерзімді қолдану эпителий гипоксиясымен байланысты жергілікті эпителий өзгерістеріне (нашарлауы болжанатын), сондай-ақ "рикошет" деп аталатын әсерге әкелуі мүмкін.

Жағымсыз дәрілік реакциялар туындаса медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса, дәрілік препараттарға жағымсыз реакциялар (әсерлер) бойынша ақпараттық деректер базасына тікелей хабарласыңыз

Қазақстан Республикасы Денсаулық сақтау министрлігі  Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 мл ерітіндінің құрамында

белсенді заттар: дифенгидрамин гидрохлориді 1.00 мг, нафазолин гидрохлориді 0.25 мг.

қосымша заттар: бор қышқылы 20.00 мг, инъекцияға арналған су 1 мл-ге дейін.

Мөлдір түссіз сұйықтық

15 мл препараттан алғашқы ашылуы бақыланатын, бұралатын қақпақтармен герметикалық тығындалған полиэтилен тамшылатқыш-құтыларға құяды.

Құтыға өзі желімделетін заттаңба жапсырылады.

1 құтыдан медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салынған.

3 жыл

Құтыны ашқаннан кейін препараттың сақталу мерзімі - 4 апта.

Жарамдылық мерзімі өткеннен кейін қолдануға болмайды!

Жарықтан қорғалған жерде, 15С-ден 25С-ге дейінгі температурада сақтау керек.

Балалардың қолы жетпейтін жерде сақтау керек!

Рецептісіз

«ЛеКос» ЖШС

Қазақстан Республикасы, 050035, Алматы қ., Шағын ауданы 10, 23 – 35 тел.: 8 (727) 308-10-67

e-mail: lecos_kz@mail.ru; www.lecos.kz

«ЛеКос» ЖШС

Қазақстан Республикасы, 050035, Алматы қ., Шағын ауданы 10, 23 – 35 тел.: 8 (727) 308-10-67

e-mail: lecos_kz@mail.ru; www.lecos.kz

Қазақстан Республикасы аумағында тұтынушылардан дәрілік заттар сапасына қатысты шағымдар (ұсыныстар) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта)

«ЛеКос» ЖШС

Қазақстан Республикасы, 050035, Алматы қ., Шағын ауданы 10, 23 – 35 тел.: 8 (727) 308-10-67

e-mail: lecos_kz@mail.ru; www.lecos.kz