Акридерм Гента (Akriderm Genta) крем д/наруж. прим. 0,05 % + 0,1% по 15 г (туба)

Акридерм ГЕНТА

Жоқ

Сыртқа қолдануға арналған крем, 0,05 % + 0,1 %

Дерматология. Кортикостероидтар,  дерматологиялық  препараттар. Антибиотиктермен біріктірілген глюкокортикостероидтар. Антибиотиктермен біріктірілген белсенді глюкокортикостероидтар. Антибиотиктермен біріктірілген бетаметазон.

АТХ коды D07СC01

Гентамицинге сезімтал микроорганизмдерден туындаған салдарлы инфекция болған кезде глюкокортикоидты (ГКС) терапиямен емдеуге болатын тері ауруларын жергілікті емдеу.

Қолданудың басталуына дейінгі қажетті мәліметтер тізбесі

- бетаметазонға, гентамицинге немесе препараттың кез келген қосымша заттарына аса жоғары сезімталдық

- вакцинациядан кейінгі тері реакциялары

- вирустық, бактериялық, терінің зең аурулары (пиодермия, мерез, тері туберкулезі, желшешек, герпес, актиномикоз, бластомикоз, споротрихоз)

- периоральді дерматит, розацеа

- созылмалы веналық жеткіліксіздік аясындағы трофикалық жаралар

- көз аурулары

- аминогликозидтерді қатарлас жүйелі енгізу (қан сарысуында уытты концентрацияға қол жеткізу қаупіне байланысты)

- бүйректің ауыр жеткіліксіздігі

- 1 жасқа дейінгі балалар

- жүктілік

- невустар

- тері ісіктері (терінің обыры, атерома, эпителиома, меланома, гемангиома, ксантома, саркома).

Осы препараттың емдік әсерінің ықтимал әлсіреуіне байланысты басқа дерматологиялық препараттармен бірге қолдану ұсынылмайды.

Гентамицин В амфотерицинімен, гепаринмен, сульфадиазинмен, бета-лактамды антибиотиктермен (мысалы, цефалоспориндермен) өзара әрекеттеседі.

Акридерм ГЕНТА препаратын сақтықпен қолдану керек, өйткені оның құрамына гентамицин кіреді. Антибиотикотерапияға жеткіліксіз жауап жағдайларын атап өту керек және антибиотикотерапия қарсы көрсетілім болған жағдайларды анықтау керек. Бұл кремді бет терісіне қолданған кезде абай болу керек. Препараттың жүйелі қан ағымына сіңу мүмкіндігіне байланысты ұзақ мерзімді үздіксіз емнен немесе препаратты үлкен тері беткейіне қолданудан аулақ болу керек.

Бүйрекүсті безі функциясының бәсеңдеу белгілерін қоса, препараттың жүйелі сіңірілуінен кейін тіркелген жүйелік жағымсыз әсерлер жергілікті қолданылатын кортикостероидтарды пайдалану кезінде, әсіресе сәбилерде және жасы үлкен балаларда да дамуы мүмкін. Олардың ауырлығы бетаметазон дипропионатының жүйелі сіңірілуінің жоғарылауымен, егер препарат дененің кең аумақты аумақтарына немесе тері қатпарларына жағылса, емдеу мерзімінің ұлғаюымен артуы мүмкін. Тері инфекциясын гентамицинмен емдеу аллергиялық реакциялардың пайда болу қаупін туындатады. Гентамицин жанаспалы аллерген болып табылады, оған сенсибилизацияның пайда болу жиілігі шамамен 1,4%-ды құрайды, арту үрдісі бар. Емдеу ұзақтығының артуымен аллергия қаупі артады. Неомицин және канамицин сияқты басқа аминогликозидтермен бірге гентамицин аллергендер тобына жатады. Жергілікті қолданылатын гентамицинге аллергиялық реакция болашақта гентамицин мен басқа аминогликозидтерді жүйелі түрде енгізуге мүмкіндік бермейді. Кейбір жағдайларда антибиотиктерді ұзақ уақыт қолдану патогенді микроорганизмдердің, соның ішінде зеңдердің тұрақты нұсқаларының пайда болуына әкелуі мүмкін. Мұндай жағдайларда, сондай-ақ емдеу, аллергиялық реакцияның дамуы немесе суперинфекция кезінде терінің тітіркенуі пайда болған кезде гентамицин енгізуді тоқтатып, тиісті ем тағайындау керек. Жергілікті қолданылатын гентамициннің жүйелі сіңірілуі, егер препарат дене беткейінің кең аумақты бөліктеріне, әсіресе ұзақ емдегенде немесе тері зақымданғанда пайдаланылса, артуы мүмкін. Мұндай жағдайларда балаларда тиісті сақтық шаралары қабылдануы тиіс, өйткені гентамицинді жүйелі қолданғаннан кейін жағымсыз әсерлер пайда болуы мүмкін.

Препаратты сирақ веналарының варикозды аурулары (трофикалық жаралар) кезінде ойық жараларды емдеуде қолдануға болмайды.

Қосымша заттар

Препарат құрамында баяулаған типті аллергиялық реакциялар тудыруы мүмкін метилпарагидроксибензоат, теріні тітіркендіруі мүмкін пропиленгликоль, терінің жергілікті реакциясын тудыруы мүмкін (жанаспалы дерматиттер) цетостеарил спирті [цетил спирті – 60 %, стеарил спирті – 40 %] бар.

Педиатрияда қолдану

Препаратты балаларға 1 жастан бастап, сақтықпен және ең қысқа мерзімге тағайындауға болады.

Жүктілік немесе лактация кезінде

Жүктілік кезінде препаратты қолдану қарсы көрсетілімде.

Гентамицин жүйелі қолданған кезде емшек сүтімен бөлінетіні анықталды. Жергілікті қолданылатын бетаметазон дипропионатының емшек сүтіне шығарылуы туралы деректер жоқ.

Бала емізу кезеңінде Акридерм ГЕНТА препаратын қатаң көрсетілімдер бойынша қолдануға болады, бірақ бұл ретте препаратты емізер алдында сүт безінің терісіне жағуға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Препараттың көлік құралдары мен механизмдерді басқару қабілетіне жағымсыз әсері туралы деректер жоқ.

Дозалау режимі

Егер өзгесі көрсетілмесе, Акридерм ГЕНТА препаратын ересектерде күніне бір немесе екі рет, ал балаларға күніне бір рет жағу керек. Жай-күйі жақсарған кезде (зақымдану ошағы) препаратты жағу жиілігі азайтылуы мүмкін.

Кремді терінің зақымданған аумағына аздап ысқылай отырып, жұқа үлбір түрінде жағылуы тиіс. Өңделетін терінің бөлігі ауданы бойынша дене беткейінің жалпы ауданының 10%-нан аспауы тиіс. Балаларда бұл препаратты мүмкіндігінше қысқа уақыт ішінде және терінің кішкене бөліктеріне қолдану керек.

Препаратты балаларда қолдану аса сақтықты талап етеді, өйткені ересектерде кортикостероидты препараттарды қолданумен салыстырғанда балаларда бетаметазон мен гентамицин тері арқылы көбірек сіңеді. Бетаметазонның ықтимал сіңуіне байланысты бұл препаратты окклюзиялық таңғышпен және жөргектермен бірге пайдалануға болмайды.

Препаратта гентамициннің болуына байланысты ересектерде емдеу мерзімі 7-10 күннен, ал балаларда – 7 күннен аспауы тиіс.

Тиісті клиникалық жағдайларда (кейбір дерматоздар кезінде, күшті кортикостероидтарды енгізу үшін қажеттілік болмаған кезде немесе гентамицинге сезімтал суперинфекция қоздырғыштары болмаған кезде) монотерапия түрінде емді онша күшті әсер етпейтін кортикостероидпен немесе басқа антибиотиктермен жалғастырған жөн.

Енгізу жолы және тәсілі

Тек сыртқа қолдануға арналған.

Симптомдары: Препаратты ұзақ уақыт үздіксіз пайдаланған кезде (созылмалы артық дозалану немесе теріс пайдалану) гипофизарлы-бүйрекүсті безі жүйесі функциясының бәсеңдеуін туындатуы мүмкін, бұл салдарлы бүйрекүсті безі жеткіліксіздігінің дамуына әкелуі мүмкін. Сонымен қатар, кортикостероидтарды шамадан тыс қолдану Кушинг синдромының дамуына ықпал етуі мүмкін. Жергілікті антибиотиктерді шамадан тыс немесе кеңінен қолдану жарада зеңдердің шоғырлануына немесе патогеннің антибиотикке резистентті нұсқасының пайда болуына әкелуі мүмкін.

Емі: препаратты тоқтату және қажет болған жағдайда, симптоматикалық ем жүргізу ұсынылады. Қажет болған кезде, электролит теңгерімін түзетуді жүргізеді. Созылмалы уыттылық жағдайында кортикостероидтарды баяу тоқтату ұсынылады. Гентамицинге резистентті микроорганизмдердің шамадан тыс өсуі жағдайында тиімсіз ем тоқтатылуы және талапқа сай микробқа қарсы ем басталуы тиіс.

Дәрілік препаратты қолдану тәсілін түсіндіру үшін әрдайым медицина қызметкерінің кеңесіне жүгініңіз.

- терінің аса жоғары сезімталдығы (күйдіріп ашу сезімі, қышыну, тітіркену, құрғақтық)

- фолликулит

- гипертрихоз

- акне тәрізді бөртпе

- гипопигментация

- периоральді дерматит

- аллергиялық жанаспалы дерматит

- тері мацерациясы

- тері атрофиясы

- стриялар

- баздану

- терінің салдарлы инфекциясы

Балалардағы жүйелік жағымсыз әсерлер:

- гипофизарлы-бүйрекүсті жүйесінің бәсеңдеуі

- бой өсудің баяулауы, еңбектің дүмпиюімен, бас ауыруымен қатар жүретін бассүйекішілік қысымның жоғарылауы

- салмақ қосуда артта қалу

- Кушинг синдромы

Бетаметазонды сыртқа қолданған кезде жүйелі жағымсыз әсерлер ұзақ уақыт емдеу, терінің ауқымды аумағына жағу, тұтастығы бұзылған теріге жағу, окклюзиялық таңғыштар астына пайдаланған кезде пайда болады.

- бой өсуінің баяулауы, Иценко-Кушинг синдромы, емдеу аяқталғаннан кейін бассүйекішілік қысымның қатерсіз жоғарылауы, гипергликемия, глюкозурия, гипокалиемия, артериялық қысымның жоғарылауы.

Жағымсыз дәрілік реакциялар туындаған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларды қоса алғанда, дәрілік препараттарға жағымсыз реакциялар (әрекеттер) бойынша тікелей ақпараттық дерекқорға жүгіну

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

100 г кремнің құрамында:

белсенді заттар: бетаметазон дипропионаты (микрондалған бетаметазон дипропионаты) 100 % затқа шаққанда – 0,064 г, бұл 0,05 г бетаметазонға баламалы, гентамицин сульфаты гентамицинге шаққанда – 0,1 г;

қосымша заттар: метилпарагидроксибензоат, пропиленгликоль, сұйық парафин, макрогол цетостеараты, цетостеарил спирті [60% цетил спирті, 40% стеарил спирті], динатрий эдетаты, натрий гидрофосфаты додекагидраты, калий дигидрофосфаты, тазартылған су.

Сыртқы түрінің, иісінің, дәмінің сипаттамасы

Ақ немесе ақ дерлік түсті крем.

15 г немесе 30 г алюминий сықпада. Әрбір сықпаны медициналық қолдану жөніндегі қазақ және орыс тілдеріндегі нұсқаулықпен бірге картон қорапшаға салады.

2 жыл

Жарамдылық мерзімі өткеннен кейін қолдануға болмайды!

15 ºС-ден 25 ºС-ге дейінгі температурада сақтау керек.

Балалардың қолы жетпейтін жерде сақтау керек!

Рецепт арқылы

«АКРИХИН» АҚ, Ресей

142450, Мәскеу облысы, Богородский қ.о.,

Старая Купавна қ., Киров к-сі, 29, 3 құр.

телефон/факс: +7 (495) 702-95-03.

«Химфарм» АҚ, Шымкент қ., Қазақстан Республикасы, Рашидов к-сі, 81

телефон нөмірі: +7 7252 (610151)

факс нөмірі: +7 7252 (561342)

электронды пошта: complaints@santo.kz

«Химфарм» АҚ, Шымкент қ., Қазақстан Республикасы, Рашидов к-сі, 81

телефон нөмірі: +7 7252 (610151)

факс нөмірі: +7 7252 (561342)

электронды пошта: complaints@santo.kz