Хлоргексидина биглюконат раствор д/нар. прим. 0,05% по 100 мл (флакон)

Хлоргексидин биглюконаты

Жоқ

Сыртқа қолдануға арналған ерітінді, 0.05%, 100 мл

Дерматология. Антисептиктер және дезинфекциялайтын препараттар. Бигуанидтер және амидиндер. Хлоргексидин.

АТХ коды D08AC02

Дәрілік препарат ЛОР және стоматология бөлімшелерінде науқастардың операциядан кейінгі күтімінде, іріңді жарақаттарда, инфекция жұқтырған күйіктерде, стоматологияда терінің және шырышты қабықтың бактериялық және зеңдік ауруларында (гингивит, стоматит, афтылар, пародонтит, альвеолит), хирургияда, урологияда, акушерлікте және гинекологияда инфекциялардың профилактикасында, жынысты жолмен берілетін инфекциялардың профилактикасында (хламидиоз, уреаплазмоз, трихомониаз, соз, мерез, генитальді герпес), тері жабындарын (үйкелістерін, сызаттарын) зарарсыздандыруда, қоғамдық орындарға (хауыздар, сауналар) барғаннан кейін бактериялық, зеңдік аурулардың жеке профилактикасында қолданылады.

Қолдануды бастағанға дейін қажетті мәліметтер тізбесі

- аллергиялық реакцияларға бейімділік

- дерматиттер

- хлоргексидинді жеке көтере алмаушылық

- 3 жасқа дейінгі балалар

Хлоргексидин биглюконаты сабынмен, сондай-ақ құрамында анион тобы бар детергенттермен (сапониндер, натрий лаурилсульфаты, натрий карбоксиметилцеллюлозасы) үйлесімсіз. Құрамында катион тобы бар препараттармен (бензалконий хлориді, цетримоний бромиді) үйлесімді.

24 сағат өткеннен кейін қиын еритін шөгінді түзе отырып, карбонаттармен, хлоридтермен, цитраттармен, фосфаттармен, сульфаттармен үйлесімсіз.

Бактериялардың хлорамфениколға, канамицинге, неомицинге, цефалоспориндерге сезімталдығын арттырады.

Этанол препараттың антисептикалық белсенділігін күшейтеді.

Йод препараттарымен бір уақытта қолданған кезде дерматиттер дамуы мүмкін.

Ашық бассүйек-ми жарақаты, жұлынның зақымдануы, құлақ жарғағының тесілуі бар пациенттерде препараттың мидың, ми қатпарларының және дабыл қуысының беткейіне түсуінен аулақ болған жөн.

Хлоргексидин биглюконатты басқа дәрілік препараттармен араластыруға болмайды.

Препаратты сыртқа қолданған кезде сабынның қалдықтарын мұқият жуып, таза құрғақ теріге жағу ұсынылады.

Хлоргексидин биглюконатын конъюнктиваны өңдеу үшін және дене қуыстарын шаю, терең жарақаттарды және күйіктерді өңдеу үшін пайдаланбаған жөн.

Препаратпен жанасқан киімді оларда қоңыр дақтардың пайда болу ықтималдығына байланысты гипохлориттің және белсенді хлор бөлетін басқа қосылыстардың әсеріне ұшыратуға болмайды.

Көздің шырышты қабаттарына түскен жағдайда оларды сумен жылдам және мұқият жуу қажет.

Дозалау режимі

Хлоргексидин биглюконаты, 0,05% ерітіндіні ересектер мен 3 жастан асқан балаларға профилактикалық және емдік дәрі ретінде сыртқа және бүрку, шаю және аппликация (5-10 мл терінің немесе шырышты қабаттың зақымданған беткейіне жағады) түрінде жергілікті қолданады:

- ЛОР және стоматология бөлімшелерінде науқастардың операциядан кейінгі күтімінде Хлоргексидин биглюконатын тәулігіне 2-3 рет шаю түрінде тағайындайды

- уретриттер мен уретропростатиттерді кешенді емдеу кезінде Хлоргексидин биглюконатын күніне 1-2 рет 2-3 мл-ден уретраға бүркиді, емдеу курсы – 10 күн, емшараны күнара тағайындайды.

Тек сыртқа!

Симптомдары: препаратпен артық дозалану туралы деректер жоқ.

Емі: кездейсоқ ішке түскен кезде Хлоргексидин биглюконаты сіңірілмейді, мұндай жағдайда симптоматикалық ем жүргізу қажет.

Дәрілік препаратты қолдану тәсілін түсіндіру үшін медицинлық қызметкерге кеңес алуға жүгіну бойынша ұсынымдар

Препаратты қолдану тәсіліне қатысты күдіктер пайда болған жағдайда емдеуші дәрігермен кеңесіңіз.

Дәрілік препаратты стандартты қолдану кезінде көрініс беретін жағымсыз реакциялар сипаттамасы және осы жағдайда қабылдау керек шаралар

Жиі

- қол терісінің 3-5 минут бойы жабысқақтығы

Сирек

- терінің құрғауы және қышынуы

- дерматит

- тістердің боялуы

- тіс тасының түзілуі

- дәмнің бұзылуы (гингивиттерді емдеу кезінде)

Өте сирек

- аллергиялық реакциялар (тері бөртпесі)

- фотосенсибилизация

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек:

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

100 мл препараттың құрамында:

белсенді зат – хлоргексидин биглюконаты 20 % ерітіндісі - 0,25 мл

қосымша зат – тазартылған су

Мөлдір, түссіз немесе сәл бозаңданатын сұйықтық, иісі жоқ.

100 мл препарат пластмассадан жасалған құтыға құйылады, тамызғыштармен және бұрандалы қақпақтармен жабылады. Әр құтыға қағаздан немесе жазатын қағаздан жасалған заттаңбаны жабыстырады.

Құтыларды медициналық қолданылуы жөніндегі қазақ және орыс тілдеріндегі нұсқаулықпен бірге құтыларды топтық қаптамаға - картоннан жасалған қораптарға салады.

Топтық және транспорттық тара ГОСТ 177668-90Е сәйкес.

2 жыл

- Жарамдылық мерзімі өткеннен кейін қолдануға болмайды!

Жарықтан қорғалған жерде, 25ºС-ден аспайтын температурада сақтау керек.

Балалардың қолы жетпейтін жерде сақтау керек!

Рецептісіз

«СУЛТАН» ЖШС, Қазақстан Республикасы

041613, Алматы облысы, Талғар ауданы, Еркін ауылы, Б.Момышұлы көшесі, 5.

Тел./факс: 8 (727) 3054865, 3054986

Электронды пошта: toosultan@list.ru

«СУЛТАН» ЖШС, Қазақстан Республикасы

041613, Алматы облысы, Талғар ауданы, Еркін ауылы, Б.Момышұлы көшесі, 5.

Тел./факс: 8 (727) 3054865, 3054986

Электронды пошта: toosultan@list.ru

«СУЛТАН» ЖШС, Қазақстан Республикасы

041613, Алматы облысы, Талғар ауданы, Еркін ауылы, Б.Момышұлы көшесі, 5.

Тел./факс: 8 (727) 3054865, 3054986

Электронды пошта: toosultan@list.ru