Гепа-Мерц концентрат д/инф. по 10 мл №10 (ампулы)

Гепа-Мерц

Жоқ

Инфузия үшін ерітінді дайындауға арналған концентрат, 5г/10мл

Ас қорыту жолы және зат алмасу. Бауыр және өт шығару жолдары ауруларын емдеуге арналған препараттар. Бауыр ауруларын емдеуге арналған препараттар, липотропты препараттар. Бауыр ауруларын емдеуге арналған препараттар.

АТХ коды А05ВА

-бауыр энцефалопатиясында (латентті және айқын білінетін)

Қолдануды бастағанға дейін қажетті мәліметтер тізбесі

Қолдануға болмайтын жағдайлар

- L-орнитин-L-аспартатқа аса жоғары сезімталдық

- бүйрек жетіспеушілігі (қан сарысуындағы креатинин деңгейі 3 мг/100 мл-ден төмен)

Гепа-Мерц инфузиялық ерітінділерін дайындауға арналған концентраттың жоғары дозаларында қан сарысуындағы және несептегі несепнәр деңгейін бақылау керек.

Бауыр функциясының едәуір бұзылуы кезінде жүрек айнуы мен құсуды алдын алу үшін инфузия жылдамдығын жеке таңдау керек.

Басқа дәрілік препараттармен өзара әрекеттесуін зерттеу жүргізілмеген. Осы кезге дейін өзара әрекеттесу белгісіз.

Сәйкессіздік:

Сәйкессіздікті зерреу жүргізілмегендіктен, дәрілік препарат басқа дәрілік препартаттармен араластырылмауы керек.

Арнайы сақтандырулар

Педиатрияда қолдану

Препаратты балаларда пайдалану туралы деректер жоқ.

Жүктілік немесе лактация кезінде

Жүктілік пен лактация кезінде Гепа-Мерцті қолдану туралы деректер жоқ. Осы пациенттерде Гепа-Мерц инфузияларын қолдануды болдырмау керек.

Алайда жүктілік пен лактация кезінде емдеу үшін Гепа-Мерцті инфузия үшін қолдану қажет болса, пайда мен қауіп қатынасын мұқият қарастыру қажет.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Ауру ағымына байланысты көлік құралын немесе қауіптілігі зор механизмдерді басқару қабілеті нашарлауы мүмкін.

Дозалау режимі

Ампуланың ішіндегісін инфузиялық ерітіндіде ерітіп, тәулігіне 40 мл-ге дейін (4 ампула) вена ішіне енгізеді.

Сананың бұзылуының (прекома) және сананың күңгірттенуінің (кома) бастапқы белгілері кезінде жағдайдың ауырлық дәрежесіне байланысты тәулігіне 80 мл-ге дейін (8 ампула) енгізеді.

Инфузияның ұзақтығы, емдеу жиілігі мен ұзақтығы жеке анықталады.

Вена ішіне енгізудің ең жоғары жылдамдығы-сағатына 5 г (1 ампуланың ішіндегісіне сәйкес келеді).

500 мл инфузиялық ерітіндіде 60 мл (6 ампула) артық ерітуге болмайды!

Инфузиялық ерітінді ретінде изотоникалық ерітінді, глюкоза ерітіндісі немесе Рингер ерітіндісі қолданылады.

Пациенттердің ерекше топтары

Балалар

Балаларда препаратты қолдану туралы деректер шектеулі.

Вена ішіне

Осы кезге дейін L-орнитин-L-аспартаттың артық дозаланунан кейін интоксикация белгілері байқалмаған.

Симптомдары: жағымсыз әсерлердің айқындығының күшеюі.

Емі: симптоматикалық ем.

ДП стандартты қолдану кезінде көрініс табатын жағымсыз реакциялардың сипаттамасы және осы жағдайда қабылдануы керек шаралар

Жиі емес

- жүрек айнуы

Сирек

- құсу

Көрсетілген жанама әсерлер өтпелі болып табылады және препаратты тоқтатуды талап етпейді. Олар пайда болған кезде препараттың дозасын және енгізу жылдамдығын төмендету керек.

Белгісіз (қолда бар деректер негізінде бағалау мүмкін емес)

- анафилактикалық реакциялар

Жағымсыз дәрілік реакциялар туындағанда медициналық қызметкерге, фармацевтикалық қызметкерге немесе, дәрілік препараттардың тиімсіздігі туралы хабарламаларды қоса, дәрілік препараттарға болатын жағымсыз реакциялар (әсерлер) жөніндегі ақпараттық деректер базасына тікелей хабарласу керек

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

Дәрілік препарат құрамы

Бір ампулада 10 мл

белсенді зат – L-орнитин-L-аспартат 5.00 г,

қосымша заттар: инъекцияға арналған су

Түссізден бозғылт-сары түске дейінгі мөлдір ерітінді

10 мл препараттан түрлі-түсті таңбалағыш сақиналары мен ақ нүктесі бар қоңыр түсті ампулаларға құйылған.

10 ампуладан медициналық қолдану жөніндегі қазақ және орыс тілдеріндегі нұсқаулықпен бірге, ПВХ-дан жасалған, бес мәрте сегменттелген, картон бөлгіші бар блистерлік қаптамаға немесе қақпағы қайырылатын негізгі бөлігіне жалғанған біріктірілген картон астары бар жиналмалы картон қорапқа салынған.

Қақпағы қайырылатын жиналмалы картон қорапқа рұқсатсыз ашылуынан қорғағыш ретінде, 3 жерден желімденіп жапсырма жабыстырылады.

3 жыл

Жарамдылық мерзімі өткеннен кейін қолдануға болмайды.

Жарықтан қорғалған жерде, 30°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

Б. Браун Мельзунген АГ

Мистельвег 2 -12357, Берлин, Германия

Тел: + 49-30-660050, e-mail: contact@merz.de

Мерц Фармасьютикалс ГмбХ

Франкфурт-на-Майне, Германия

Тел: +49-69-1503-0, факс: +49-69-1503-200

Эл. пошта: info@merz.de

Қазақстан Республикасы аумағында тұтынушылардан дәрілік заттардың сапасына қатысты шағымдарды (ұсыныстарды) қабылдайтын және дәрілік заттың тіркеуден кейінгі қауіпсіздігін қадағалауға жауапты ұйымның атауы, мекенжайы және байланыс деректері (телефон, факс, электронды пошта):

«Ацино Каз» ЖШС,

Қазақстан, 050047, Алматы қаласы,

Бостандық ауданы,

Нұрсұлтан Назарбаев даңғылы, 223 үй, 243 т.е.б.

Телефон: 8 (727) 364-56-61

е-mail: PV-KAZ@acino.swiss