Элфунат раствор д/ин. 50 мг/мл по 2 мл №10 (2 блистера х 5 ампул)

Элфунат

Жоқ

Вена ішіне және бұлшықет ішіне енгізуге арналған ерітінді, 50 мг/мл

Жүйке жүйесі. Жүйке жүйесі ауруларын емдеуге арналған басқа препараттар

АТХ коды: N07XX

- ми қан айналымының жедел бұзылулары

- бассүйек-ми жарақаты, бассүйек-ми жарақаттарының салдары

- дисциркуляторлық энцефалопатия

- вегетативтік (нейроциркуляторлық) дистония синдромы

- атеросклероздан туындаған ми функциясының бұзылуы (жеңіл когнитивтік бұзылулар)

- невроздық және невроз тәрізді жағдайлар кезіндегі үрейлі бұзылулар

- жедел миокард инфарктісінде (алғашқы тәуліктерден бастап) кешенді ем құрамында

- әр түрлі сатылардағы бастапқы ашық бұрышты глаукома, кешенді ем құрамында

- невроз тәрізді және вегетативтік-қантамырлық бұзылыстардың басым болуымен алкоголизм кезінде абстиненттік синдромды басу

- психозға қарсы дәрілермен жедел уыттану

- құрсақ қуысындағы жедел іріңді-қабынумен жүретін үдерістерінде (жедел некроздық панкреатитте, перитонитте) кешенді ем құрамында.

Қолдануды бастағанға дейін қажетті мәліметтер тізбесі

- этилметилгидроксипиридин сукцинатына немесе 6.1 бөлімінде аталған қосымша заттардың кез келгеніне аса жоғары сезімталдық

- жедел бүйрек жеткіліксіздігі

- жедел бауыр жеткіліксіздігі

- жүктілік

- лактация кезеңі

- 18 жасқа дейінгі балалар мен жасөспірімдер

Шектеу дәрежесі препараттың жекелей жағымдылығымен анықталады.

Бензодиазепинді ансиолитиктердің, құрысуға қарсы (карбамазепин) және паркинсонға қарсы дәрілердің (леводопаның) әсерін күшейтеді. Этил спиртінің уытты әсерін азайтады.

Егде жастағы пациенттер

Егде жастағы пациенттер үшін дозаны түзету қажет емес.

Бауыр жеткіліксіздігі бар пациенттер

Бауырдың жедел жеткіліксіздігі бар пациенттерде препаратты қолдануға болмайды.

Бүйрек жеткіліксіздігі бар пациенттер

Бүйректің жедел жеткіліксіздігі бар пациенттерде препаратты қолдануға болмайды.

Педиатрияда қолдану

Препаратты 18 жасқа дейінгі балаларға қолдануға болмайды.

Жүктілік немесе лактация кезінде

Препаратты жүктілік және бала емізу кезеңінде қолдануға болмайды.

Препараттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Автокөлік жүргізген кезде және зейін қою мен психомоторлық реакциялар жылдамдығын қажет ететін, қауіптілігі зор басқа қызмет түрлерімен шұғылданғанда сақтық таныту керек.

Дозалау режимі

Ми қан айналымының жедел бұзылуларында Элфунат алғашқы 10-14 күнде 200-500 мг тәулігіне 2-4 рет вена ішіне тамшылатып, содан кейін бұлшықет ішіне 200-250 мг тәулігіне 2-3 рет 2 апта бойы қолданылады.

Бассүйек-ми жарақаты және бассүйек-ми жарақаттарының салдары кезінде препарат 200-500 мг-ден тәулігіне 2-4 рет 10-15 күн бойы вена ішіне тамшылатып қолданылады.

Декомпенсация фазасындағы дисциркуляторлық энцефалопатия кезінде препаратты тәулігіне 1-2 рет 200-500 мг дозада вена ішіне 14 күн бойы сорғалатып немесе тамшылатып тағайындау керек. Содан кейін келесі 2 апта бойы бұлшықет ішіне тәулігіне 100-250 мг.

Дисциркуляторлық энцефалопатияның курстық профилактикасы үшін препарат 10-14 күн бойы тәулігіне 2 рет 200-250 мг дозада бұлшықет ішіне енгізіледі.

Егде жастағы пациенттерде жеңіл когнитивті бұзылулар мен үрейлі бұзылыстарында Элфунатты бұлшықет ішіне 14-30 күн бойы тәулігіне 100-300 мг тәуліктік дозада қолданады.

Жедел миокард инфарктісінде кешенді ем құрамында нитраттарды, бета-адреноблокаторларды, ангиотензин өзгертетін фермент (АӨФ) тежегіштерін, тромболитиктерді, антикоагулянтты және антиагрегантты дәрілерді, сондай-ақ көрсетілімдер бойынша симптоматикалық дәрілерді қамтитын миокард инфарктісін дәстүрлі емдеу аясында препаратты вена ішіне немесе бұлшықет ішіне 14 тәулік бойы енгізеді.

Алғашқы 5 күнде ең жоғары әсеріне жету үшін Элфунатты вена ішіне енгізген жөн, келесі 9 тәулікте препарат бұлшықет ішіне енгізілуі мүмкін. Препаратты вена ішіне енгізуді тамшылатып инфузия жолымен, 0,9% натрий хлориді ерітіндісіне немесе 100-150 мл көлемінде 5% декстроза (глюкоза) ерітіндісіне 30-90 минут бойы баяу (жағымсыз реакцияларды болдырмау үшін) жүргізеді. Қажет болған жағдайда ұзақтығы кемінде 5 минут болатын препаратты баяу сорғалатып енгізуге болады.

Препаратты енгізу (вена ішіне немесе бұлшықет ішіне) тәулігіне 3 рет әрбір 8 сағат сайын жүзеге асырылады. Тәуліктік емдік доза тәулігіне дене салмағына 6-9 мг/кг, бір реттік доза – дене салмағына 2-3 мг/кг құрайды. Ең жоғары тәуліктік доза 800 мг, бір реттік доза - 250 мг аспауы тиіс.

Кешенді ем құрамында түрлі сатылардағы ашық бұрышты глаукома кезінде препарат бұлшықет ішіне тәулігіне 100-300 мг, тәулігіне 1-3 рет 14 күн бойы енгізіледі.

Абстинентті алкогольдік синдром кезінде Элфунатты 200-500 мг дозада вена ішіне тамшылатып немесе бұлшықет ішіне тәулігіне 2-3 рет 5-7 күн бойы енгізеді.

Жедел уыттану кезінде психозға қарсы дәрілер препарат вена ішіне тәулігіне 200-500 мг дозада 7-14 күн бойы енгізіледі.

Құрсақ қуысының жедел іріңді-қабыну процестерінде (жедел некроздық панкреатит, перитонит) препарат операция алдындағы және операциядан кейінгі кезеңде бірінші тәулікте тағайындалады. Енгізілетін дозалар аурудың түрі мен ауырлығына, процестің таралуына, клиникалық ағымы нұсқаларына байланысты. Препаратты тоқтату тұрақты оң клиникалық-зертханалық әсерден кейін ғана біртіндеп жүргізілуі тиіс.

Жедел ісінген (интерстициальді) панкреатит кезінде Элфунатты 200-500 мг күніне 3 рет, вена ішіне тамшылатып (0,9% натрий хлориді ерітіндісінде) және бұлшықет ішіне тағайындайды. Ауырлық дәрежесі жеңіл некроздық панкреатит - 100-200 мг күніне 3 рет вена ішіне тамшылатып (0,9% натрий хлориді ерітіндісінде) және бұлшықет ішіне. Орташа ауырлық дәрежесі - күніне 3 рет 200 мг-ден, вена ішіне тамшылатып (0,9% натрий хлориді ерітіндісінде). Ағымы ауыр - пульске-бірінші тәулікте 800 мг дозада, екі рет енгізу режимінде; одан әрі тәуліктік дозаны біртіндеп төмендете отырып, 200-500 мг тәулігіне 2 рет. Ағымы өте ауыр -тәулігіне 800 мг бастапқы дозада панкреатогендік шок көріністерін тұрақты тоқтатқанға дейін, тәуліктік дозаны біртіндеп төмендете отырып, 300-500 мг жағдайды тұрақтандыру бойынша тәулігіне 2 рет вена ішіне тамшылатып (0,9% натрий хлориді ерітіндісінде).

Енгізу әдісі мен жолы

Препарат бұлшықет ішіне немесе вена ішіне (сорғалатып немесе тамшылатып) енгізіледі. Инфузиялық әдіспен енгізу кезінде препаратты 0,9% натрий хлориді ерітіндісінде сұйылту керек.

Элфунатты 5-7 минут бойы баяу сорғалатып, минутына 40-60 тамшы жылдамдықпен - тамшылатып енгізеді. Ең жоғары тәуліктік доза 1200 мг аспауы тиіс.

Симптомдары: ұйқышылдық, ұйқысыздық.

Емі: уыттылықтың төмен болуына байланысты артық дозалану ықтималдығы аз. Емдеу әдетте қажет емес, симптомдар тәулік ішінде өздігінен жоғалады. Айқын көріністерде демеуші және симптоматикалық ем жүргізіледі.

Дәрілік препаратты қолдану тәсілін түсіндіру үшін медициналық қызметкерден кеңес алыңыз

Өте сирек

- анафилаксиялық шок, ангионевроздық ісіну, есекжем.

- ұйқышылдық

- бас ауыруы, бас айналу (тым жоғары жылдамдықпен енгізуге байланысты болуы мүмкін және қысқа мерзімді сипатта болады)

- артериялық қысымның төмендеуі (АҚ), АҚ жоғарылауы (тым жоғары жылдамдықпен енгізуге байланысты болуы мүмкін және қысқа мерзімді сипатта болады)

– құрғақ жөтел, тамақтың жыбырлауы, кеуде қуысындағы жайсыздық, тыныс алудың қиындауы (тым жоғары жылдамдықпен енгізуге байланысты болуы мүмкін және қысқа мерзімді сипатта болады)

– ауыздың құрғауы, жүрек айнуы, жағымсыз иіс сезіну, ауыздың темір татуы

– қышыну, бөртпе, гиперемия

– енгізу орнында жылуды сезіну

Жағымсыз дәрілік реакциялар пайда болған кезде медицина қызметкеріне, фармацевтика қызметкеріне немесе дәрілік препараттардың тиімсіздігі туралы хабарламаларын қоса, дәрілік препараттарға жағымсыз реакциялар (әсерлер) бойынша ақпараттық дерекқорға тікелей жүгінуге болады

Қазақстан Республикасы Денсаулық сақтау министрлігі Медициналық және фармацевтикалық бақылау комитеті «Дәрілік заттар мен медициналық бұйымдарды сараптау ұлттық орталығы» ШЖҚ РМК

http://www.ndda.kz

Қосымша мәліметтер

1 мл препараттың құрамында

белсенді зат - этилметилгидроксипиридин сукцинаты 50 мг.

қосымша заттар: инъекцияға арналған су

Мөлдір түссіз немесе сарғыш ерітінді.

Вена ішіне және бұлшықет ішіне енгізуге арналған ерітінді.

2 мл және 5 мл препараттан түссіз шыныдан жасалған ампулаларға құйылады.

5 ампуладан пішінді ұяшықты қаптамаға салынады.

2 пішінді ұяшықты қаптамадан (2 мл ампула үшін) және 1 пішінді ұяшықты қаптамадан (5 мл ампула үшін) медициналық қолдану жөніндегі қазақ және орыс тілдеріндегі нұсқаулықпен бірге картон қорапқа салынады.

3 жыл

Жарамдылық мерзімі өткеннен кейін қолдануға болмайды.

25°С-ден аспайтын температурада сақтау керек.

Балалардың қолы жетпейтін жерде сақтау керек!

Рецепт арқылы

«Уорлд Медицин Илач Сан. ве Тидж. А.Ш.»

ЧОСБ Г.О. Паша Мах. 6. Джад. № 30 Черкезкёй, Текирдаг, Түркия.

Тел.: +90 (212) 474 70 50

Факс: +90 (212) 474 09 01,

e-mail: info@worldmedicine.com.tr

УОРЛД МЕДИЦИН ЛТД.

Бербути к-сі, 10/ Алмасиани к-сі, 19-21, 26 кеңсе (корп.II), Тбилиси қ., Грузия.

Тел: + 995322212812 / + 995322212813

e-mail: worldmedicine.llc.geo@gmail.com

«РИН Фарм» ЖШС, Алматы қ., Түрксіб ауданы, Сүйінбай даңғ., 222Б

тел/факс: 8 (7272) 529090

е-mail: rin_pharma@mail.ru

«РИН Фарм» ЖШС, Алматы қ., Түрксіб ауданы, Сүйінбай даңғ., 222Б

Ұялы тел +7 701 786 33 98

е-mail: pvpharma@worldmedicine.kz